Arýlardyń aıshyqty merekesi

Tal besikten terbetken analar ulttyń qaısar ulyn tárbıeleıdi. Jaýgershilik zamanda da erlermen birge atqa qonyp, qolyna qarý ustap elin qorǵan halyq eposyndaǵy Gúlbarshyn, Qurtqa, Aqjúnis, Nazymdar, bergi dáýirde Domalaq ana, Aısha-bıbi, Uljan, Uly Abaıdy tárbıelegen Zere men Uljan, qol bastaǵan Bopaı, el bılegen Aıǵanym, Ulpandar eline demeý, erine súıeý bola bilgen.  Sonymen qatar, kórikti keskin kelbetimen, elmen eldi aqyldylyǵymen, danalyǵymen tatýlastyryp erekshelengen.  Ǵ.Músirepov: «Adamda ne qasıet bolsa, bári kúnniń kózi men ananyń aq sútinen alynǵan qasıet», degen eken. «Alyp anadan týady», degen babalarymyz.

Qazaq dalasynan aty elge tanylǵan batyr-baǵlandar men attary áıgili balýandardyń barlyǵy aıtalyq, Qajymuqan, Balýan Sholaq, Boranqul sekildi aıta berseń taýsylmaıtyn muzbalaq tulǵalardyń barlyǵy anasyn qurmettep, tirliktiń bárinen bıik sanaǵan.  «Jannat ananyń tabanynyń astynda», demekshi.  Analardyń aldynda árqashanda biz qaryzdar ekenimizdi bir sátte umytpaǵanymyz abzal.

Búgingi kúni aqylyna kórki saı, paıymyna parasaty saı, yrys pen yntymaqtyń altyn dińgegi bolǵan qazaqtyń qyz-kelinshekteri ósip keledi. Árbir úıdiń berekesi men merekesi bolyp otyrǵan analarmen arýlardyń bir jylda bir keletin 8 naýryz merekesinde súıkti de súıkimdi arýlarǵa qandaı tilek aıtyp qandaı syılyq syılasa da jarasady. Mine, qulpyrǵan kóktemniń jaıma-shýaq kúnderimen asyl jandardyń merekesi de kelip jetti. Osy merekeli meıramda ardaqty analarmen súıkti arýlarymyzǵa aq tilekter aǵylatyny sózsiz.

Osy oraıy kelgen mereke aldynda Almaty oblysy Ile aýdany, О́tegen batyr keńsharynda ornalasqan Balalar men jasóspirimder sport mektebinde kóp jyldardan beri tabandy eńbek etip, jasópirim sportshylardyń qanatynyń qataıyp tanymal bolyp ósip órkendeýine ólsheýsiz úles qosyp kele jatqan arýlardy kóktem merkesimen quttyqtaýdyń reti kelip otyr.  Sport salasynda jyldar boıy ter tógip eńbeginiń jemisin kórip kelgen arýlardyń arasynda birtalaı burymdy bapkerler talantty  shákirttermen  elge tanylyp keledi. Solardyń arasynda Sambodan  Sholpan-Atada ótken  Álem kýboginde júldeger atanyp, jastar arasynda Tashkentte ótken Azııa chempıonatynda qola júldege qol jetkizgen, Qazaqstan chempıony, Qazaqstan Respýblıkasynyń sport sheberi Aınur Tórebaı, baıdarkamen jáne kanoeda eskek esýden álem chempıonatynyń qola júldegeri, Azııa oıyndarynyń qola júldegeri,  halyqaralyq dárejedegi sport sheberi , Qazaqstan chempıony, ulttyq quramanyń beldi múshesi Ekaterına Kaltenberger, aýyr atletıkadan Qazaqstan Respýblıkasynyń sport sheberi Dana Isapa sekildi talantty arýlardyń jeńisti joldaryn  aıtýǵa bolady.  Sonymen birge boks, basketbol sport túrlerinen shákirtteri Almaty oblysynyń dúbirli jarystarynda jeńis bıiginen kórinip oljaly bolyp júrgen Nýrııa Madrımova, Sholpan Jambylova sekildi daryndy, burymdy bapkerlerdiń tókken terleri esh ketpeı jemisin berýde. Osyndaı berekeli ujymdy uıytyp otyrǵan aıtýly Balalar men jasóspirimder sport mektebiniń dırektory, Qazaqstan Respýblıkasyna eńbegi sińgen jattyqytyrýshy Qapar Raýanovqa arýlardyń aıtar alǵysy zor. О́ıtkeni jarystardan qaldyrmaı jol qarajatyn taýyp berip shapqylap áreket jasap júrgen jerde, bereketi de bolary anyq. Eldiń tynysy men, jerdiń yrysy, otbasynyń shamshyraǵy bolǵan qyz-kelinshekter men analardy qurmettep quttyqtaýǵa árqashan qýanyshtymyz. Januıasynda baǵyp-qaǵyp otyrǵan tól balalary men qosa sport salasynda shákirtter  tárbıelep  aıanbaı eńbek etip júrgen aıtýly sport mektebiniń analary men arýlaryna zor densaýlyq, otbasylyq baqyt, taýsylmas qýanysh tileımiz. Merekelerińiz qutty bolsyn!.

Aqyn ORDABAIULY,

ALMATY