Bir kúmis, eki qola júlde: Hanchjoýda premer-lıga týrnıri aıaqtaldy

Qytaıdyń Hanchjoý qalasynda karateden premer-lıga sanatyndaǵy bıylǵy jyldyń ekinshi jarysy aıaqtaldy, dep habarlady Qazaqstan karate federaııasynyń baspasóz qyzmeti.

Karate 1-Premier League — osy sporttaǵy eń bedeldi týrnır. Oǵan reıtıngtegi TOP-32 sportshy ǵana joldama alady.

Bul básekede Qazaqstan quramasynyń úsh sportshysy kýmıte baǵdarlamasynda júldege ıe boldy. Topta barlyq qarsylasyn utqan tuńǵysh álem chempıony Móldir Jańbyrbaı (-50 kg) fınalda Aljır sportshysy Sılııa Ýıkenmen teń túsip (8-8), SENSHU (birinshi upaı alǵan sportshy jeńisi) boıynsha ese jiberdi.

Móldir Jańbyrbaı qańtar aıynda Parıjde ótken jyldyń alǵashqy premer-lıga týrnırinde qola júldeger atanǵan.

Osydan keıin jartylaı fınalda súringen Ásel Qanaı (61 kg) men Sofıa Berýleva (+68 kg) kishi fınalda qarsylasyn utyp, qola medal ıelendi. Eske sala keteıik, Ásel men Sofıa qysta Parıjde kúmis júlde jeńip alǵan.

Barlyǵy bul jarysqa 68 elden 400 sportshy qatysty. Qazaqstan komandasy sapynda 13 karateshi kúsh synasty.

Hanchjoýǵa eń kóp sportshyny Japonııa quramasy alyp bardy (30 sportshy). Odan keıin týrnırge Italııadan 29, Franııa men Túrkııadan 21 adamnan qatysty.

Osydan soń premer-lıganyń (Karate 1-Premier League) kelesi kezeńi Kaır (18-20 sáýir) men Rabat (30 mamyr — 1 maýsym) qalasynda bolady.

Qazaqstan karateshileri Parıjdegi jarysta 2 kúmis, 3 qola medal alǵan.