قازاقستان دەۆيس كۋبوگىنىڭ ىرىكتەۋ سايىسىن ءساتتى باستادى

شىمكەنت قالاسىندا 16 جاسقا دەيىنگىلەر اراسىندا دەۆيس كۋبوگىنىڭ ازيا — تىنىق مۇحيت ايماعى بويىنشا ىرىكتەۋ ءتۋرنيرى ءوتىپ جاتىر، دەپ حابارلادى قازاقستان تەننيس فەدەراتسياسى.

قازاقستان قۇراماسى (كاپيتانى سەرگەي كۆاك) D توبىنا قىتاي، يران جانە جاڭا زەلانديا كوماندالارىمەن بىرگە ءتۇستى. باستاپقى ماتچتا وتانداستارىمىز جاڭا زەلانديانى 3:0 ەسەبىمەن ويسىراتا جەڭدى. الدىمەن ميحايل ميششەنكو تارتىستى ماتچتا بلەند لۋكۋدى 6:3، 5:7، 6:4 ەسەبىمەن تىزە بۇكتىردى. سودان كەيىن مانسۇر سايىنوۆ يۋن لياماعا ەس جيعىزبادى. ەسەپ — 6:1، 6:0.

جۇپتىق سىندا مانسۇر سايىنوۆ اڭسار نيەتقاليەۆپەن بىرگە اليۆينا مەن ليامادان 6:3، 6:2 ەسەبىمەن باسىم ءتۇستى.

قازاقستان ءوز توبىندا كوش باستاسا، قىتاي ەكىنشى ورىندا.

ەندى جاسوسپىرىمدەر يرانمەن كومانداسىمەن وينايدى. يران قىتايعا 0:3 ەسەبىمەن جول بەردى.