اسحات تاعىبەرگەن قازاق فۋتبولىنىڭ باستى پروبلەماسىن ايتتى

كەشە فۋتبولدان قازاقستان كومانداسىنىڭ بۇرىنعى كاپيتانى اسحات تاعىبەرگەن ۇلتتىق قۇرامامەن قوشتاسىپ جاتىپ، قازاق فۋتبولىنىڭ باستى پروبلەماسىن ايتتى.

ونىڭ ايتۋىنشا، باستى پروبلەما  قازاق جىگىتتەرىنىڭ پرەمەر-ليگادا ويناماۋى. وسى جاعداي فۋتبولشىنى قاتتى قىنجىلتادى.

مەنى وسى نارسە قاتتى قىنجىلتادى. جاڭادان كەلگەن باسشىلار بىرنەشە جىلدا بارلىق ولقىلىقتىڭ ورنىن تولتىرىپ، زاڭ جۇزىندە رەتتەيدى دەپ سەنەمىن. پرەزيدەنتىمىز دە ستاديوندار سالىپ، جاستارعا قولداۋ كورسەتىپ جاتىر. ساپالى الاڭدار بولسا، جاقسى فۋتبولشىلار شىعادى دەپ ويلايمىن، — دەدى ول.

سونىمەن بىرگە ول وزبەكستان قۇراماسى ءۇشىن قۋاناتىنىن، ونىڭ الەم چەمپيوناتىنا جوللاما الۋى ۇلكەن جەتىستىك ەكەنىن اتاپ ءوتتى.

مەن كەزىندە تيمۋر كاپادزەمەن بىرگە ويناعانمىن. باۋىرلاس ەلدىڭ جەتىستىگىن ءبىز دە جالعاستىرامىز دەپ ۇمىتتەنەمىن، – دەدى قوستانايدىڭ «توبىل» كلۋبىنىڭ جارتىلاي قورعاۋشى.

ەسكە سالىپ وتسەك، كەشە ول ۇلتتىق قۇرامامەن قوشتاساتىنىن، ەلىمىزىدڭ باس كومانداسىندا 10 جىلدان استام ۋاقىت دوپ تەپكەنىن، ەندى ورنىن جاستارعا بەرەتىنىن ايتقان ەدى.

داستان كەنجالين،

استانا