SportPress.kz قازاقستان سپورت جاڭالىقتارى
بۇگىن تاەكۆوندودان اقش-تىڭ شارلوتت قالاسىندا گران-پري ساناتىنداعى جارىستىڭ العاشقى كەزەڭى، ال اۆستريانىڭ ينسبرۋك قالاسىندا ءداستۇرلى Austrian Open ءتۋرنيرى اياقتالدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.
اقش-تاعى ءتۋرنيردىڭ سوڭعى كۇنى نوديرا احمەدوۆا 49 كگ دەيىنگى سالماقتا كۇمىس جۇلدەگەر اتاندى. ول فينالدا ليۋ يۋ يۋنعا (قىتايدىڭ تايپەيى) ەسە جىبەردى. وسىعان دەيىن تامەرلان تىلەۋلەس (-58 كگ) پەن باتىرحان تولەۋعالي (-80 كگ) قولا جۇلدەگە يە بولعان ەدى. ەندى شارلوتت قالاسىندا جۇلدە العان دايانگ شەبەرلەرى 2026 جىلى يتاليانىڭ ريم قالاسىندا وتەتىن گران-پري جارىسىنا بارادى.
اۆسترياداعى تۋرنيردە ەلىمىزدىڭ بەس سپورتشىسى جەڭىس تۇعىرىنان كوتەرىلدى. ازيزا قاراجانوۆا (-53 كگ) مەن بەيبارىس قابىلان (+87 كگ) التىن مەدال السا، ايدانا سۇندەتباي (-53 كگ) كۇمىس جۇلدەگە يە بولدى. نۇرقانات قوجاحمەت (-87 كگ) پەن مەرگەن عانيەۆ (-80 كگ) ءوز سالماعىندا ءۇشىنشى ورىنعا شىقتى.
