SportPress.kz Қазақстан спорт жаңалықтары
Бүгін таеквондодан АҚШ-тың Шарлотт қаласында Гран-при санатындағы жарыстың алғашқы кезеңі, ал Австрияның Инсбрук қаласында дәстүрлі Austrian Open турнирі аяқталды, деп хабарлады Туризм және спорт министрлігі Спортты дамыту дирекциясының баспасөз қызметі.
АҚШ-тағы турнирдің соңғы күні Нодира Ахмедова 49 кг дейінгі салмақта күміс жүлдегер атанды. Ол финалда Лю Ю Юнға (Қытайдың Тайпейі) есе жіберді. Осыған дейін Тамерлан Тілеулес (-58 кг) пен Батырхан Төлеуғали (-80 кг) қола жүлдеге ие болған еді. Енді Шарлотт қаласында жүлде алған даянг шеберлері 2026 жылы Италияның Рим қаласында өтетін Гран-при жарысына барады.
Австриядағы турнирде еліміздің бес спортшысы жеңіс тұғырынан көтерілді. Азиза Қаражанова (-53 кг) мен Бейбарыс Қабылан (+87 кг) алтын медаль алса, Айдана Сүндетбай (-53 кг) күміс жүлдеге ие болды. Нұрқанат Қожахмет (-87 кг) пен Мерген Ғаниев (-80 кг) өз салмағында үшінші орынға шықты.
