Taekvondodan Qazaqstan 2 altyn, 2 kúmis, 4 qola medal jeńip aldy

Búgin taekvondodan AQSh-tyń Sharlott qalasynda Gran-prı sanatyndaǵy jarystyń alǵashqy kezeńi, al Avstrııanyń Insbrýk qalasynda dástúrli Austrian Open týrnıri aıaqtaldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

AQSh-taǵy týrnırdiń sońǵy kúni Nodıra Ahmedova 49 kg deıingi salmaqta kúmis júldeger atandy. Ol fınalda Lıý Iý Iýnǵa (Qytaıdyń Taıpeıi) ese jiberdi. Osyǵan deıin Tamerlan Tileýles (-58 kg) pen Batyrhan Tóleýǵalı (-80 kg) qola júldege ıe bolǵan edi. Endi Sharlott qalasynda júlde alǵan daıang sheberleri 2026 jyly Italııanyń Rım qalasynda ótetin Gran-prı jarysyna barady.

Avstrııadaǵy týrnırde elimizdiń bes sportshysy jeńis tuǵyrynan kóterildi. Azıza Qarajanova (-53 kg) men Beıbarys Qabylan (+87 kg) altyn medal alsa, Aıdana Súndetbaı (-53 kg) kúmis júldege ıe boldy. Nurqanat Qojahmet (-87 kg) pen Mergen Ǵanıev (-80 kg) óz salmaǵynda úshinshi orynǵa shyqty.