SportPress.kz قازاقستان سپورت جاڭالىقتارى
تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ توراعاسى رۋسلان ەسەناليننىڭ بۇيرىعىمەن قونىسبەك توكەنوۆ گرەك-ريم كۇرەسى قازاقستان ۇلتتىق قۇراماسىنىڭ باس جاتتىقتىرۋشىسى قىزمەتىنە تاعايىندالدى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.
وسى قىزمەتتى اتقارعان يۋري مەلنيچەنكو ەندى كوماندادا باس جاتتىقتىرۋشىنىڭ كەڭەسشىسى رەتىندە جۇمىس ىستەيدى. ونىڭ جەتەكشىلىگىمەن ەلىمىز گرەك-ريم كۇرەسىنەن پاريج وليمپياداسى (دەمەۋ جادىراەۆ) مەن بىلتىرعى الەم چەمپيوناتىندا ءبىر كۇمىس مەدال (ەرجەت جارلىقاسىن) جەڭىپ العان.
وسىعان دەيىن قونىسبەك كارىم ۇلى 20 جاسقا دەيىنگى قازاقستان كومانداسىنىڭ اعا جاتتىقتىرۋشىسى بولعان. قونىسبەك توكەنوۆ ءۇشىن باس باپكەر قىزمەتىندەگى العاشقى رەسمي حالىقارالىق جارىس 17-20 شىلدە ارالىعىندا بۋداپەشتە وتەتىن رەيتينگتىك تۋرنير بولادى.
