Grek-rım kúresinen ulttyq quramanyń bas jattyqtyrýshysy taǵaıyndaldy

Týrızm jáne sport mınıstrligi Sport jáne dene shynyqtyrý isteri komıtetiniń tóraǵasy Rýslan Esenalınniń buıryǵymen Qonysbek Tókenov grek-rım kúresi Qazaqstan ulttyq quramasynyń bas jattyqtyrýshysy qyzmetine taǵaıyndaldy, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Osy qyzmetti atqarǵan Iýrıı Melnıchenko endi komandada bas jattyqtyrýshynyń keńesshisi retinde jumys isteıdi. Onyń jetekshiligimen elimiz grek-rım kúresinen Parıj Olımpıadasy (Demeý Jadyraev) men byltyrǵy álem chempıonatynda bir kúmis medal (Erjet Jarlyqasyn) jeńip alǵan.

Osyǵan deıin Qonysbek Kárimuly 20 jasqa deıingi Qazaqstan komandasynyń aǵa jattyqtyrýshysy bolǵan. Qonysbek Tókenov úshin bas bapker qyzmetindegi alǵashqy resmı halyqaralyq jarys 17-20 shilde aralyǵynda Býdapeshte ótetin reıtıngtik týrnır bolady.