Jibek Qulambaeva — ITF W15 týrnıriniń jeńimpazy!

Álemniń 306-raketkasy Jibek Qulambaeva Serbııanyń Kýrsýmlııska Banıa qalasynda ótken ITF W15 týrnıriniń jeńimpazy atandy, dep habarlady Qazaqstan tennıs federaııasy.

Ol jarystyń birinshi raketkasy bolyp tirkelip, fınalda dúnıejúzilik reıtıngide 751-orynda turǵan serbııalyq Draganıa Výkovıchpen altyn júldeni ataqty sarapqa saldy.

Birinshi sette Jibek Qulambaeva 2:0 esebimen alǵa shyqqanymen, kort ıesi tarazy basyn teńestirdi. Esep – 2:2. Degenmen, Qulambaeva taǵy bir breık jasap, setke dop bergende, múmkindigin jibergen joq. Osydan keıin esep 6:4 boldy, — delingen habarlamada.

Ekinshi partııada esep 4:4 bolǵan kezde qazaq  tennısshisi breık jasaı aldy. Alaıda sodan keıin úsh matchbolyn paıdalana almady.

Taı-breıkte serbııalyq sportshy 3:0 esebimen alǵa shyqqanymen, Qulambaeva besinshi matchbolyn ópaıdalanyp ketti. Esep – 7:6 (7:5). Tartysty fınaldyq match 2 saǵatqa sozyldy.