رىباكينا الەمنىڭ 6-راكەتكاسىن جەڭىپ، شيرەك فينالعا شىقتى

قازاقستاننىڭ ءبىرىنشى، الەمنىڭ 10-راكەتكاسى ەلەنا رىباكينا اقش-تىڭ تسينتسينناتي قالاسىندا ءوتىپ جاتقان WTA 1 000 ءتۋرنيرىنىڭ شيرەك فينالىنا شىقتى، دەپ حابارلادى قازاقستان تەننيس فەدەراتسياسى. 

رىباكينا ءتورتىنشى اينالىمدا الەمنىڭ 6-راكەتكاسى، امەريكالىق مەديسون كيزبەن ويناپ، جەڭىسكە جەتتى.

قارسىلاستار وسىعان دەيىن ءبىر-بىرىمەن بەس رەت ويناپ، امەريكالىق تەننيسشى سونىڭ ۇشەۋىندە جەڭگەن ەدى. بۇل جولى ءبىرىنشى پارتيادا تاي-برەيكتە كيز ءساتتى وينادى. ءبىرىنشى پارتيادا ەسەپ 7:6 (7:3) بولدى.

ەكىنشى پارتيادا رىباكينا 6:4 ەسەبىمەن ەسە قايىردى. ءۇشىنشى، شەشۋشى سەتتە رىباكينا تاعى دا ۇستەمدىك تانىتتى. پارتيا 6:2 بولىپ ءبىتتى.

ەكى ساعات 25 مينۋتقا سوزىلعان تارتىستى ويىندا رىباكينا 6 ەيسپەن بىرگە 14 برەيك-پوينتتىڭ التاۋىن پايدالاندى. ەندى ول جارتىلاي فينالعا شىعۋ ءۇشىن الەمنىڭ 1-راكەتكاسى، بەلارۋس وكىلى ارينا سوبولەنكومەن وينايدى.