پرەزيدەنت كۋبوگى: قازاقستان تەننيسشىلەرى كامبەك جاسادى

استانادا ارۋجان ساعىندىقوۆا مەن ەكاتەرينا دميتريچەنكو تەننيستەن جۇپتىق سىندا پرەزيدەنت كۋبوگى ءۇشىن ITF سەرياسى بويىنشا ءوتىپ جاتقان W15 ءتۋرنيرىنىڭ جارتىلاي فينالىنا شىقتى، دەپ حابارلادى قازاقستان تەننيس فەدەراتسياسى.

ولار شيرەك فينالدا جارىستىڭ 2-راكەتكالارى، رەسەيلىكتەر ەكاتەرينا ماكلاكوۆا مەن داريا زەلينسكايانى جەڭدى.

ءبىرىنشى پارتيادا فاۆوريت سانالعان رەسەيلىك دۋەت ايقىن باسىمدىلىق تانىتتى. ەسەپ 6:1 بولىپ تىركەلدى. ەكىنشى سەتتە ساعىندىقوۆا مەن دميتريچەنكو 6:2 ەسەبىمەن العا شىقتى. سودان كەيىن سۋپەر تاي-برەيكتە وتانداستارىمىز دەس بەرمەدى. وندا ەسەپ 10:7 بولدى.

ەندى ارۋجان ساعىندىقوۆا مەن ەكاتەرينا دميتريچەنكو فينالعا شىعۋ ءۇشىن وزبەكستان سپورتشىلارى نيگينا اليموۆا مەن سابرينا وليمجانوۆامەن وينايدى.