چەمپيوندار ليگاسى: «قايرات» ميلليونداعان ەۋرو تابىس تاپتى

الماتىنىڭ «قايرات» فۋتبول كلۋبى چەمپيوندار ليگاسىنىڭ پلەي-وفف كەزەڭىندە ەكى ويىننىڭ ناتيجەسى بويىنشا شوتلانديانىڭ «سەلتيك» كلۋبىن جەڭگەننەن كەيىن قوماقتى تابىس تاپتى.

ىرىكتەۋ كەزەڭىندە «قايرات» سلوۆەنيانىڭ «وليمپيا» كومانداسىن (ەكى ويىن قورىتىندىسى بويىنشا — 3:1)، فينليانديانىڭ كۋپس كلۋبى (3:2) مەن سلوۆاكيانىڭ «سلوۆان» جاساعىن (1:1، پەنالتي بويىنشا — 4:3) جەڭىپ، پلەي-وفف كەزەڭىندە شوتلانديانىڭ «سەلتيك» كومانداسىن پەنالتي بويىنشا جولدا قالدىردى (0:0، پەنالتيدە — 3:2).

وسى جەڭىستىڭ ارقاسىندا الماتىنىڭ كلۋبى چەمپيوندار ليگاسىنىڭ توپتىق كەزەڭىنە شىققانى ءۇشىن 18،62 ميلليون ەۋرو (11،6 ميلليارد تەڭگە) تابىس تاپتى. جالپى كەزەڭدە جەڭىس ءۇشىن — 2،1 ميلليون ەۋرو (1،3 ميلليارد تەڭگە)، ال تەڭ ويىن ءۇشىن — 700 مىڭ ەۋرو (436 ميلليون تەڭگە) سىياقى قاراستىرىلعان.

داستان كەنجالين،

استانا