Qala ákimi bokstan álem chempıonyna 40 mln teńge berdi

Almaty qalasynyń ákimi Darhan Satybaldy bokstan jáne kúres túrlerinen álem chempıonattaryna qatysyp, qurmet tuǵyrynyń bıik satysynan kóringen sportshylardy marapattady.

Ol áýeli ulttyq quramanyń ókilderin quttyqtap, alǵys hat pen qarjylaı sertıfıkattar tabys etti.

Sodan keıin Almatynyń ákimi bokstan álem chempıony Alýa Balqybekovaǵa  40 mln teńge, kúmis júldeger Nazym Qyzaıbaıǵa 30 mln teńge, qola medalıster Eldana Talıpova men Vıktorııa Grafeevanyń árqaısyna  20 mln teńgeden berdi. Olar Ulybrıtanııanyń Lıverpýl qalasynda jalaýy jelbiregen álem chempıonatynda qurmet tuǵyrynan kóringen edi.

Sondaı-aq Horvatııanyń Zagreb qalasynda kúres túrlerinen ótken álem chempıonatynda qola júldeger atanǵan Nurqoja Qaıpanovqa 20 mln teńge berildi.

Anglııadaǵy álem chempıonatynyń qorytyndysy boıynsha Qazaqstan quramasy jalpykomandalyq esepte birinshi oryndy ıelendi. Sportshylar barlyǵy 10 medal jeńip aldy. Onda bylǵary qolǵap sheberleri 7 altyn, 1 kúmis jáne 2 qola júldege ıe boldy. Ulttyq qurama sapynda kúsh synasqan Almatynyń 4 boksshysy elge júldemen oraldy.

Dastan KENJALIN,

ASTANA