Argentına Asyq atý oıynyn úırenip jatyr

Qazan aıynyń 9–10 kúnderi Majarstanda Majar – Qazaq etnosport jáne mádenı assoıaııasynyń ókilderi — Janargúl Baqtygereıqyzy men Balaj Gónter Argentınadan kelgen  Franısko Gıslettı, Martın Marıno jáne Mateo Bılbaoǵa qazaq halqynyń baı mádenı murasynyń bir bóligi sanalatyn dástúrli ulttyq oıyny Asyq atý men qyrǵyzdyń Ordo oıyndaryn úıretti.

Bul kezdesý tek mádenı tanysý emes, halyqtar arasyndaǵy tarıhı tamyrlastyq pen rýhanı sabaqtastyqtyń da aıqyn kórinisi boldy. Argentınalyqtar ulttyq oıyndardyń erejelerimen tanysyp qana qoımaı, ózara jarysyp, oıyndy tájirıbe júzinde de synap kórdi.

Balaj Gónter sońǵy jyldary Asyq atý oıynyn Eýropa elderinde keńinen nasıhattap, onyń damýyna jáne halyqaralyq deńgeıde tanylýyna eleýli úles qosyp júrgen majar jigiti. Ol etnosport arqyly halyqtardyń mádenı baılanysyn nyǵaıtýǵa, dástúr men qundylyqtardy saqtaýǵa erekshe kóńil bóledi.

Argentınalyq qonaqtar qazaqtyń ulttyq oıyndaryna zor qyzyǵýshylyq tanytyp, Asyq atý oıynynyń erekshelikterine tánti boldy. Olar óz elderinde keńinen tanymal La payana jáne La taba oıyndarynyń qazaqtyń bes asyq oıynymen óte uqsastyǵyn atap ótip, mundaı mádenı uqsastyqtar halyqtar arasyndaǵy ortaq rýhanı qundylyqtardyń bar ekenin kórsetti.

Qonaqtar óz sózderinde keler jyly Qyrǵyzstanda ótetin Kóshpendiler oıyndaryna qatysyp, tájirıbe almaasatyndyǵyn, sondaı-aq Argentınada qazaqtyń ulttyq oıyndaryn nasıhattap, damytýǵa nıetti ekenin jetkizdi. Bul bastama qazaq mádenıetiniń álemdik deńgeıde tanylýyna baǵyttalǵan mańyzdy qadamdardyń biri bolyp tabylady.

Sonymen qatar, Majar – Qazaq etnosport jáne mádenı assoıaııasynyń taǵy bir ókili, majar azamaty Atılla Vash óz elinde Asyq atý men majar halqynyń kóne ulttyq oıyny Golyózás-ty dáriptep, jastar arasynda keńinen nasıhattaý maqsatynda arnaıy komanda quryp, etnosport qozǵalysyn damytýǵa belsendi túrde atsalysyp júr.

Aıta keterligi, Qazaqstan Respýblıkasynyń Majarstandaǵy Elshiliginiń qyzmetkeri Qaırat Qambarov jýyrda Qazaqstannan arnaıy asyqtar ákelip, elshilik atynan tartý etken bolatyn. Sol kıeli asyqtar argentınalyq qonaqtarǵa estelik retinde tabys etildi. Bul syı qazaqtyń ejelgi dástúrindegi «Asyǵyń alshysynan tússin!» degen ıgi tilekpen birge berilip, dostyq pen izgi nıettiń sımvolyna aınaldy.

Majar jerinde ótken bul kezdesý qazaq mádenıetiniń álemdik deńgeıde keńinen tanylýyna, al ulttyq oıyndardyń — halyqtar arasyndaǵy rýhanı kópirge aınalýyna aıqyn dálel boldy.

Musaǵalı TASQALIEV,

AQTО́BE

Foto: avtor