برازيليا فۋتبولشىسى جەتى گول سوعىپ، ۇستالدى

فينليانديا چەمپيوناتىنىڭ بەسىنشى ديۆيزيونىندا وينايتىن «فيننكۋرد» كلۋبىنىڭ برازيليالىق فۋتبولشىسى جوناتان گەررەيرو داۋ-دامايدىڭ ورتاسىندا قالدى.

Corriere della Sera باسىلىمىنىڭ حابارلاۋىنشا، ويىنشى كەلىسىلگەن ماتچتاردى ۇيىمداستىردى دەگەن كۇدىككە ىلىنگەن.

ول دەمالىس كۇندەرى چەمپيوناتتاعى كەزەكتى ويىندا 7 گول سوعىپ، كومانداسىنا جەڭىس سىيلادى. بۇل ماتچ 8:1 ەسەبىمەن اياقتالدى. الايدا ونى باس تورەشىنىڭ ىسقىرىعى بەرىلگەندە پوليتسيا قىزمەتكەرلەرى الاڭنان الىپ كەتتى.

سودان كەيىن ول قاماۋعا الىندى. ال ونىڭ كومانداسى «فيننكۋرد» شابۋىلشى مەن كاپيتاننان عانا ەمەس، جاتتىقتىرۋشىسىنان ايىرىلدى. برازيليالىق فۋتبولشى كلۋبتا ويىنشى بولا ءجۇرىپ، كوماندانى جاتتىقتىرعان.

داستان كەنجالين،

استانا