Tarazda zamanaýı fýtbol akademııasy ashylady

Qazaqstan fýtbol federaııasy balalar-jasóspirimder fýtboly ınfraqurylymyn damytýdaǵy jumystaryn jalǵastyrýda. Jańa fýtbol akademııasy Taraz qalasynda ornalasady. Atalǵan joba QFF-nyń Jambyl oblysy ákimdigi men Tımýr Qulybaevtyń Halyk qory arasyndaǵy úshjaqty memorandým aıasynda iske asyrylýda, dep habarlady Qazaqstan fýtbol federaııasy.

22 qarashada Jambyl oblysy Taraz qalasynda jańa fýtbol akademııasynyń irgetasyn qalaý saltanaty boldy.

Jıynǵa QFF bas hatshysy Davıd Lorııa, Jambyl oblysynyń ákimi Erbol Qarashókeev, Halyk qorynyń atqarýshy dırektory Ǵalymbek Jaqsylyqov jáne óńirdegi sport ardagerleri men basqa da qala turǵyndary qatysty.

Jambyl oblysynda boı kóteretin zamanaýı akademııada elimizdiń ár óńirinen iriktelgen 100 talantty fýtbolshy tárbıelenedi. Barlyq ınfraqurylym FIFA jáne UEFA standarttaryna saı bolyp, bolashaq chempıondardyń kásibı deńgeıde ósýine tolyq jaǵdaı jasalady.

-QFF ulttyq quramanyń keleshegin tárbıeleýde iri bastamalardy qolǵa aldy. Sonyń biri – búgingi akademııa qurylysy. Munda tárbıelenetin ár bala ulttyq qurama jeıdesin kıip, Qazaqstannyń atyn álem elderi aldynda asqaqtataryna senimim mol. Sebebi balalar men jasóspirimderdiń júıeli daıyndyǵy — Qazaqstan fýtbolynyń bolashaǵy. Bizdiń Halyk qorymen birge halyqaralyq standarttarǵa saı salynatyn akademııa Qazaq fýtbolynyń damýyna qosylǵan zor úles bolmaq. Osyndaı ıgi ister jalǵasyn taba beredi, — dedi QFF bas hatshysy Davıd Lorııa.

Memorandým aıasynda Halyk qory 3,5 mlrd teńge ınvestıııa quıyp, nysandy jobalaýdan bastap tolyq iske qosylǵanǵa deıingi barlyq kezeńdi júzege asyrady. Sondaı-aq, qarajat ınjenerlik ınfraqurylymdy júrgizýdi, sport jabdyqtarymen, ınventarlarmen men jıhazdarmen jabdyqtaýǵa da jumsalady.

Taraptar jobany birlese iske asyrý úshin ortaq jol kartasy ázirlenedi. Akademııanyń jobalyq sheshimderi men tehnıkalyq-ekonomıkalyq zertteýler Qazaqstan fýtbol federaııasy daıyndaǵan tehnıkalyq tapsyrma negizinde júrgiziledi.

-Bizdiń basty mıssııamyz – jas urpaqqa jańa múmkindikter ashý. Halyk qory tek sportqa ınvestıııa jasaǵan joq, jastardyń armanyna, olardyń keleshegi jarqyn bolýyna qol ushyn sozdyq. Biz Qazaqstan fýtbolynyń jańa dáýirine serpin berýge yqpal etkimiz keledi. Bul joba myńdaǵan balaǵa shabyt syılap, el sportynyń damýyna aıtarlyqtaı úles qosady dep senemiz, — dedi Halyk qorynyń Atqarýshy dırektory Ǵalymbek Jaqsylyqov.

Jańa fýtbol akademııasy Jambyl oblysyndaǵy balalar men jasóspirimder sportyn jańa deńgeıge kóteredi. Ol óńir jastaryna da kásibı fýtbolǵa jol ashyp, aımaqtyń sporttyq áleýetin arttyrýǵa mańyzdy úles qospaq.

-Bul joba – Jambyl óńiriniń sporttyq tarıhyndaǵy jańa beles. Biz óz jastarymyzǵa eń jaqsy jaǵdaı jasaýdy maqsat etip kelemiz. Fýtbol akademııasy tek ınfraqurylym emes, bul – balalardyń armanyn jaqyndatatyn úlken múmkindik. Ár talanttyń alańda jarqyraýyna baǵyttalǵan ár jobaǵa jan-jaqty qoldaý kórsetýge daıynbyz, — dedi  Jambyl oblysynyń ákimi Erbol Qarashókeev.

Ǵımaratta oıynshylarǵa arnalǵan jataqhana, oqý synyptary, medıınalyq bólim, ákimshilik blok, jabyq jáne ashyq birneshe kásibı jattyǵý alańy ornalasady.

2026 jyldyń sońyna qaraı Talǵar qalasynda 150 tárbıelenýshige arnalǵan ulttyq akademııanyń qurylysy aıaqtalady. Ol FIFA-nyń Talanttar akademııasy mártebesin aldy. Qazaqstan álem boıynsha akademııasy joǵary mártebe ıe bolǵan toǵyzynshy el atandy.