«Boks — tek sharshy alańda emes, odan tys jerde de kúresetin sport túri»: Golovkın BAQ ókiliniń suraqtaryna jaýap berdi

Gennadıı Golovkın Italııanyń Rım qalasynda ótken Kongreste World Boxing federaııasynyń prezıdenti bolyp saılandy. Osylaısha Qazaqstan tarıhynda halyqaralyq sport federaııasyn basqaryp otyrǵan alǵashqy Qazaqstan azamaty atandy, dep habarlady Ulttyq Olımpııalyq komıtet.

Tengrinews.kz saıtyna suhbatynda World Boxing basshysy jańa qyzmetin Qazaqstan Ulttyq Olımpııalyq komıtetindegi jumyspen úılestirý jaıly, sondaı-aq áýesqoı boksqa oralýynyń sebepteri men jańa laýazymdaǵy negizgi baǵyttary týraly aıtyp berdi.

– Gennadıı Gennadıevıch, jańa qyzmetińizben quttyqtaımyz! Saılaý kezinde siz bilim, ıfrlandyrý jáne sportshylardy qorǵaý máselelerine basymdyq beretin baǵdarlama usyndyńyz. Sizdiń oıyńyzsha, bul álemdik boksty qalaı ózgerte alady?

– Munyń bári bir-birimen tyǵyz baılanysty. Eshbir tarmaqty alyp tastaýǵa bolmaıdy. ıfrlandyrý da, bilim berý de — boksty damytýdaǵy negizgi baǵyttar. Tóreshilerdiń bilim deńgeıin kóterý, adamı faktordy azaıtý, jasandy ıntellektini engizý, sportshylardyń qaýipsizdigin kúsheıtý kerek. Biz tek kórermen qyzyǵýshylyǵyn ǵana emes, sportshylardyń bokstan keıingi ómirin de oılaýǵa tıispiz. Bul halyqtyń osy sport túrine degen kózqarasyn ózgertedi.

– Siz Digital Ringside júıesin engizýdi usynyp otyrsyz. Bul bastama áýesqoı boksqa degen senimdi qaıtarý jáne jemqorlyqpen kúres jolyndaǵy basty qadam bola ala ma? Sonymen qatar bul júıe jankúıerler úshin ashyq bola ma?

– Iá, solaı dep oılaımyn. Qazirgi tańda munyń qajettiligi aıqyn. Sebebi mundaı júıeler basqa sport túrlerinde burynnan qoldanylady. Al ótken Olımpııalyq oıyndar men týrnırlerdiń nátıjeleri kórsetkendeı, bul júıe qarapaıym kórermen úshin túsinikti. Barlyǵy eseptiń qalaı júrgiziletinin jáne ne bolyp jatqanyn túsindi. Sharshy alańda bolyp jatqan jaǵdaılardy túsiný bokstyń qyzyǵýshylyǵyn arttyrady. Erejeler barlyǵyna ortaq. Iaǵnı soqqyń qarsylasyńa dál tıgen bolsa, onda upaı esepke alynady.

– Ádiletsiz tórelik kóbine bokstaǵy jemqorlyq júıesiniń bir bóligi retinde talqylanady. Qazaqstan boksshylary da munymen birneshe ret betpe-bet keldi. Siz de bul jaǵynan tys qalǵan joqsyz – 2004 jylǵy Olımpıadadaǵy kúmis júldeńiz óte daýly boldy. О́zińizdiń jeke tájirıbeńiz mundaı jaǵdaılardy túbegeıli joıýǵa degen nıetińizge qanshalyqty áser etti?

– Ádiletsizdikti kez kelgen sport túrinen baıqaýǵa bolady. Árdaıym birdeńe jasaýǵa, júıeden aýytqýǵa jol tabylady. Bizdiń maqsat — mundaı jaǵdaıdy barynsha boldyrmaý jáne sonyń aldyn alý. Árıne, ony tolyq joıý múmkin emes. Adamı faktordy tolyq joqqa shyǵarý múmkin emes: bireý jańa júıege de beıimdelýge tyrysady. Biraq júıe neǵurlym ashyq ári túsinikti bolsa, barlyq sportshylar men komandalar teń jaǵdaıda bolady, barlyǵy úshin talap birdeı bolady. Biz baqylap, ózgeristerdi kórip, jaqsartýǵa qatysamyz – jumystyń ózi osy.

Maǵan keler bolsaq, dál osy sebeppen men kásibı boksqa aýystym. Iá, bul meniń boksqa qaıta oralýyma negiz boldy. Mundaı ádiletsiz, jemqorlyqqa toly jaǵdaılar óte kóp. Boks — tek sharshy alańda emes, odan tys jerde de kúresetin sport túri.

Olımpııalyq komıssııaǵa kelgende, Qazaqstan degen quramanyń bar ekenin kóbi esine aldy. Bizdiń dástúrimizdi, álemdik deńgeıdegi kúshimizdi qaıta moıyndaı bastady. Degenmen Olımpııalyq komıssııaǵa kelgende, bizge aýdarylǵan erekshe nazarǵa saı nátıje bolǵan joq. Sportshylarymyz basqa qarsylastarynan basym ekenin dáleldeı almady. Biraq sońǵy bir-eki jylda erler men áıelder quramasynyń aıtarlyqtaı damyp kele jatqany qýantady.

Kerisinshe, men bizdiń boksshylarǵa aıtar edim: men keldim, endi sizderge erekshe nazar aýdarylady, tıisinshe talap ta kúsheıedi. Qazaqstan ókili sharshy alańǵa shyqsa, ár sátke mán beriledi. Bul — qosymsha jaýapkershilik. Golovkın keldi, bárin jeńip alady dep oılaý qate túsinik. Sondaı-aq bizdiń boksshylar úshin alańdaıtyndar da osy jaǵdaıdy túsinse deımin. Endi sportshylar óz deńgeıin kórsetýi tıis, dástúrimizdi qaıta qalpyna keltirý kerek.

– Siz Qazaqstan úshin talaı jumys atqardyńyz, endi demalýǵa da bolar edi. Biraq aldymen Qazaqstannyń Ulttyq Olımpııalyq komıtetin basqardyńyz, endi álemdik boksqa úlken, jeke qatysýdy talap etetin, tájirıbesiz iske aspaıtyn reformalar usyndyńyz. Sizdiń jeke motıvaııańyz nede?

– Jaı ǵana bir nárseni jaqsy túsinemin, qanshalyqty asqaq estilse de, meniń pikirimmen sanasady. Adamdar meni tek áıgili sportshy dep qana tanymaıdy. Munda birneshe faktor bar: álemge tanylǵan, oń ımıdji qalyptasqan ári halyqaralyq tájirıbesi bar tulǵa.  Oǵan qosa 15 jyl boıy promoýterlik kompanııany basqaryp, áýesqoı jáne kásibı boksshylarmen jumys istep kelemin. Bul tanymaldylyq jáne oń ımıdj.

Onyń ústine men bul jerge sheneýnik nemese «bireýdiń qoldaýymen kelgen adam» retinde emes, álemdik sporttyń eń joǵary deńgeıinde uzaq jyl tájirıbe jınaǵan kásibı sportshy retinde keldim.

– Siz Qazaqstan úshin kezekti jetistikke  jettińiz – halyqaralyq federaııany basqarǵan alǵashqy Qazaqstan azamaty atandyńyz.

– Men buǵan óte qýanyshtymyn. El atynan osyndaı múmkindikke ıe bolǵanyma shyn máninde maqtanamyn. Barlyq jankúıerge jáne bul qadamnyń el abyroıy men ımıdji úshin qanshalyqty mańyzdy ekenin jaqsy túsinetin Memleket basshysyna alǵysymdy bildirgim keledi.

– Sonymen qatar siz Qazaqstan Ulttyq Olımpııalyq komıtetin basqarasyz. Eki qyzmetti qatar alyp júrý qıyndyq týdyrmaı ma?

– Joq. Bir nárseni aıta keteıin: meni durys estisin – men UOK-ten ketkeli jatqan joqpyn. Muny barlyǵy anyq túsinsin.

Qazaqstan – meniń Otanym. Men ony tanystyryp, onyń namysy úshin kúresemin. Bul – men úshin úlken mártebe. О́z tanymaldylyǵymdy elimizdiń sporttyq bedelin kóterý úshin barynsha paıdalanyp júrmin. Sondyqtan osyǵan qatysty astyrtyn áńgimeler toqtaýy kerek.

Biz Ulttyq Olımpıadalyq komıtettiń Halyqaralyq Olımpıadalyq komıtetpen ózara baılanysyn jańa deńgeıge shyǵardyq. Alǵa qoıǵan naqty maqsattar men aýqymdy josparlar bar. О́z erkimmen ketý oıymda joq jáne josparymda da joq. HOK-tyń tolyq túsinistigine, seriktestik jáne adamı qarym-qatynasyna, senimi men qoldaýyna súıene otyryp, ózime odan da bıik mindetter qoıyp otyrmyn.

О́kilettik merzim bar, halyqaralyq rásimder bar. О́z pozıııamdy jáne múmkindikterimdi jaqsy túsine otyryp, el ımıdjine nuqsan keltirgim kelmeıdi.

Men Qazaqstan sporty úshin alańdaımyn. Barlyq qazaqstandyq sportshy úshin ýaıymdaımyn. О́zderińiz aıtqandaı, men kóptegen týrnırge baramyn. Biraq men sportshylardy tek qyzmetker retinde qoldamaımyn. Olar maǵan shynymen de beıjaı emes, bizdiń qarym-qatynasymyz óte qundy. О́ıtkeni men de kezinde dál solardyń ornynda boldym. Men jarystarǵa jaı ǵana jiger berý úshin emes, óz úlgi-ónegem arqyly shabyttandyrý úshin baramyn.