Jastar «Dúısenbilik sport» jobasynda dop tepti

Mamyr aıynyń sońynda Almaty qalasynda «Dúısenbilik sport» jobasy aıasynda shaǵyn fýtboldan irikteý oıyndary boldy.

Oǵan «Juldyz», «Ialıan», «Alataý», «Arystan», «Baqorda», «Qyrǵaýyldy», «Kenjehan», «Arlan», «Altyn orda», «Salamat», «Barys», «Baısat», «Qazyna», «Tastaq» jáne taǵy basqa saýda ortalyqtarynda jumys isteıtin jastardan quralǵan 16 komanda qatysty.

Jyl saıyn dástúrge aınalǵan «Dúısenbilik sport» jobasynyń tapsyrys berýshisi – Almaty qalasy Jastar saıasaty basqarmasy. Ony uıymdastyrý bıyl baıqaý qujattaryna sáıkes «Social project management» ortalyǵy» qoǵamdyq qoryna júkteldi.

Týrnır eki alańda qatar boldy.

Alǵashqy irikteý kezinde 16 komanda 4 topqa bólinip, ózara aınalma oıyndaryn ótkizdi. Bir topta ár komanda úsh oıynnan ótkizip, eń joǵary upaı jınaǵan 2 komanda kelesi kezeńge shyqty. Nátıjesinde 16 komanda ishinen 8 komanda shırek fınalǵa sýyrylyp shyǵyp, ozǵandary jartylaı fınalǵa joldama aldy. Olar: «Kenjehan», «Baısat-1», «Salamat-2», «Arystan» komandalary. Týrnır erejesine saı jartylaı fınalda «Arystan» men «Salamat-2», «Baısat-1» men «Kenjehan» komandalary baq synasty.

«Arystan» men «Salamat-2» komandalary arasyndaǵy oıyn barysynda ekinshi komanda pas berýde uıymshyldyq jaǵynan qarsylastyrynan bir saty joǵary turdy desek bolady. Olar eki taım qorytyndysy boıynsha arystandyqtardyń qaqpasyn eki gol salyp,  oıyn 1:2 esebimen aıaqtalyp, «Salamat-2» komandasy kelesi kezeńge ótti.

«Kenjehan» men «Baısat-2» komandalary arasyndaǵy oıyn óte surapyl boldy. Negizgi oıyn 2:2 esebimen teń aıaqtalyp, oıyn penaltı serııasyna jetti. Kezek kezek tebilgen penaltıler serııasy boıynsha baısattyqtar «Kenjehan» komandasynyń jigitterine 3:1 esebimen jol berdi.

Fınal!

«Salamat-2» men «Kenjehan» komandalary Altyn medal men kýbok úshin jan alysyp jan beristi. Fınaldyq básekedegi eki komandanyń shabýylshylary bar aıla-tásilin qoldanyp-aq baqty.  Degenmen 2:1 esebimen «Salamat-1» komandasynyń baǵy janyp, bas júldeni óz qanjyǵasyna baılady.

Osylaı «Salamat-2» komandasy, «Dúısenbilik sport» jobasy aıasynda ótken shaǵyn fýtbol týrnırdiń jeńimpazy atanyp, kýbokty ıelendi.

Týrnır qortyndysy boıynsha birinshi oryn alǵan «Salamat-2» komandasyna 250 myń teńgeniń, ekinshi oryn alǵan «Kenjehan» komandasyna 150 myń teńgeniń, úshinshi oryn alǵan eki komanda «Baısat-2» men «Arystan» komandalaryna 50 myń teńgeniń sertıfıkattary tabys etildi.

Nazıra BÝRHANOVA,

ALMATY