Onnan astam el birigip qazaq kúresin damytýǵa kelisti

Ázerbaıjannyń astanasy Bakýde ótip jatqan qazaq kúresinen eresekter arasyndaǵy álem chempıonaty kezinde Qazaq Kuresi qaýymdastyǵy men qatysýshy elderdiń ulttyq federaııa ókilderi kezdesti, dep habarlaıdy Qazaq Kuresi qaýymdastyǵynyń baspasóz qyzmeti.

Basqosýda qazaq kúresiniń halyqaralyq deńgeıdegi damýy sóz bolyp, 12 eldiń ókili yntymaqtastyq týraly memorandýmǵa qol qoıdy.

Jıyndy Qazaq Kuresi qaýymdastyǵynyń bas dırektory Meıirjan Bereketov ashty. Ol ulttyq federaııa basshylary men sport uıymdarynyń ókilderine Bakýdegi kezdesýge qatysqany úshin alǵysyn bildirip, elder arasyndaǵy turaqty áriptestik qazaq kúresiniń aıasyn keńeıtýde aıryqsha mánge ıe ekenin atap ótti.

«Búgingi kezdesý halyqaralyq yntymaqtastyqty nyǵaıtýǵa, ulttyq federaııalar arasyndaǵy dostyq baılanysty damytýǵa jáne aldaǵy ózara is-qımyl úshin jańa múmkindikter qalyptastyrýǵa baǵyttalǵan. Biz áriptesterimizdiń qazaq kúresin damytýǵa degen yqylasy men ortaq jumysqa belsendi aralasýyn joǵary baǵalaımyz», dedi Meıirjan Bereketov.

Basqosýdyń negizgi bóligi yntymaqtastyq týraly memorandýmǵa qol qoıý rásimimen jalǵasty. Qujat ulttyq federaııalar arasyndaǵy ózara is-qımyldy kúsheıtýge, seriktestik aıasyn keńeıtýge jáne qazaq kúresin halyqaralyq deńgeıde birlese damytýǵa baǵyttalǵan. Memorandýmǵa Grýzııa, Úndistan, Fılıppın, Iran, Italııa, Qyrǵyzstan, Lıtva, Moldova, Nıderland, Polsha, Tájikstan jáne Indonezııa ókilderi qol qoıdy. Osylaısha, Álem chempıonatyna kelgen 12 el qazaq kúresin ilgeriletý baǵytyndaǵy ortaq jumysty jalǵastyrýǵa ýaǵdalasty.

«Jıynda Indonezııadaǵy qazaq kúresiniń damýyna da nazar aýdaryldy. Bıyl eldiń ulttyq federaııasy United World Wrestling (UWW) tarapynan resmı qaýymdastyrylǵan uıym retinde tanylyp, Indonezııa aýmaǵynda qazaq kúresin damytýǵa jaýapty qurylym mártebesin aldy.

Osyǵan oraı UWW-diń tehnıkalyq delegaty Onýr Shımshek Indonezııa federaııasynyń basshylyǵyna halyqaralyq uıymnyń tıisti sertıfıkatyn tabystady. Bul qadam qazaq kúresiniń Indonezııada júıeli túrde damýyna jáne jergilikti federaııanyń halyqaralyq baılanysyn keńeıtýge múmkindik beredi», delingen habarlamada.

Bakýdegi kezdesý ulttyq federaııalar arasyndaǵy baılanysty jańa mazmunmen tolyqtyrdy. Taraptar aldaǵy ýaqytta ortaq jobalardy júzege asyryp, qazaq kúresin óz elderinde damytýǵa jáne halyqaralyq deńgeıdegi yntymaqtastyqty keńeıtýge ýaǵdalasty.

Buǵan deıin 22-23 tamyz kúnderi Ázerbaıjannyń astanasy Baký qalasynda qazaq kúresinen eresekter arasyndaǵy XII álem chempıonatynyń jalaý kóteretinin habarlaǵan edik. Qazir oǵan 30-ǵa jýyq elden 300-den astam balýan qatysyp jatyr.

Eki kúnge josparlanǵan jarysta erler men áıelder 16 salmaq dárejesi boıynsha kúsh synasady.