Sofıa Samodelkına Denıs Ten memorıalyna qatysady

Erteń Almatydaǵy Halyk Arena muz aıdynynda mánerlep syrǵanaýdan Denıs Ten memorıaly halyqaralyq týrnıri bastalady.

Ulttyq Olımpıada komıtetiniń habarlaýynsha, muz aıdynyna elimiz atynan toǵyz sportshy shyǵady.

Erler arasyndaǵy jekeleı synda Dıas Jırenbaev óner kórsetedi.

Áıelder arasyndaǵy jarysqa Sofıa Samodelkına, Amına Alekseeva, Amıra Irmatova, Alıka Halımova, Zere Sarbalına men Nurııa Súleımen qatysady.

Muzdaǵy bıde el namysyn Gaýhar Naýryzova men Boısangýr Datıev qorǵaıdy.

Týrnır 11 qazanda aıaqtalady.

Halyqaralyq týrnırge 25 elden 150-ge jýyq mánerlep syrǵanaýshy qatysady.

Bul týrnır elimizdiń mánerlep syrǵanaý tarıhynda óshpes iz qaldyrǵan 2014 jylǵy Olımpııa oıyndarynyń qola júldegeri Denıs Tenniń qurmetine uıymdastyrylady.

Byltyr týrnırge Olımpıada chempıony Mıhaıl Shaıdorov qatysqan bolatyn.

Dastan KENJALIN,

ALMATY