SportPress.kz قازاقستان سپورت جاڭالىقتارى
قازاقستان قۇراماسى سەمسەرلەسۋدەن 15-18 قازان ارالىعىندا ماروككونىڭ كاسابلانكا قالاسىندا وتەتىن ءالەم كۋبوگىنىڭ كەزەڭىنە قاتىسادى.
حالىقارالىق جارىستا وتانداستارىمىز شپاگادان ەرلەر مەن ايەلدەر اراسىندا جەكەلەي جانە كوماندالىق سايىستاردا سىنعا تۇسەدى.
ەرلەر اراسىنداعى جەكەلەي سايىستا ەل نامىسىن نۇرجان ءابجانوۆ، ەلمير ءالىمجانوۆ، الەكساندر فەدوتوۆ، الەكسەي كاساتكين، اڭسار قاسەن، رۋسلان كۋربانوۆ، بوگدان لۋكين، كيريلل پاۆلوۆ، كيريلل پروحودوۆ، ەرلىك سەرتاي، ۆاديم شارلايموۆ پەن گەورگي تيننيكوۆ قورعايدى.
ايەلدەر اراسىنداعى جەكەلەي سايىسقا ۆلاديسلاۆا اندرەەۆا، يرينا باكالدينا، سوفيا نيكولايچۋك پەن داريا سامودەلكينا قاتىسادى.
ەرلەر اراسىنداعى كوماندالىق سىندا رۋسلان كۋربانوۆ، كيريلل پروحودوۆ، ەرلىك سەرتاي جانە ۆاديم شارلايموۆ باق سىنايدى.
ايەلدەر قۇراماسىنىڭ ساپىندا ۆلاديسلاۆا اندرەەۆا، يرينا باكالدينا، سوفيا نيكولايچۋك مەن داريا سامودەلكينا بار.
قازاقستان ەرلەر قۇراماسى — سەمسەرلەسۋدەن 2026 جىلى ازيا مەن الەم چەمپيوناتىندا جانە ازيا ويىندارىندا چەمپيون اتاعىن جەڭىپ العان.
جاقىنددا جاپونيادا جالاۋى جەلبىرەگەن ازيادادا قازاقستان كومانداسى التىن مەدال يەلەنسە، كيريلل پروحودوۆ جەكەلەي سايىستا كۇمىس جۇلدەگە يە بولدى.
جالپى، ازيادادا ەل سپورتشىلارى 12 التىن، 24 كۇمىس، 48 قولا، بارلىعى 84 مەدال الدى.
داستان كەنجالين،
استانا
