Azııa para oıyndaryna 150 sportshy attanady

18-24 qazan aralyǵynda Japonııanyń Aıchı prefektýrasy men Nagoıa qalasynda tirek-qımyl apparaty, kórý qabileti zaqymdanǵan jáne zııatkerlik damý erekshelikteri bar sportshylar arasynda V Azııa para oıyndary ótedi. Dodaǵa 45 elden 4 myńǵa jýyq sportshy qatysyp, sporttyń 18 túrinen 502 medaldy sarapqa salady.

Elimizdiń ulttyq quramasy sapyndaǵy 150 oıynshy sporttyń 12 túri boıynsha óner kórsetedi, 1 komandalyq, 11 jekeleı sport túrinen el namysyn qorǵaıdy. Atap aıtqanda, voleıboldy otyryp oınaýdan – 12, para taekvondodan – 8, para dzıýdodan – 26, para ústel tennısinen – 12, para oq atýdan – 12, para jeńil atletıkadan – 14, para sadaq atýdan – 9, para júzýden – 21, arbadaǵy tennısten – 3, para paýerlıftıngten – 15, bochchadan – 5, para velosporttan 13 sportshy qatysady.

Bıylǵy oıyndarda el qurama­sy arbadaǵy tennısten alǵash ret baq synaıdy. Sonymen qatar para je­ńil atletıkadan zııatkerlik damý­ erek­shelikteri bar sport­shy­lar­ da tuń­ǵysh ret qatysqa­ly otyr.

«Oıyndar aldyndaǵy daıyn­dyq kezinde sportshylarymyz­ 23 oqý-jattyǵý jıynyna qatysyp, 22 halyqaralyq týrnırde 63 medal jeńip aldy. Bul jarys­ta da sportshylarymyz óz sheberlikterin barynsha tanytyp, laıyqty nátıjege qol jetkizedi dep senemiz», dep málimdedi Dene múmkindikteri shekteýli tulǵalarǵa arnalǵan sporttyq daıarlaý ortalyǵynyń sport jónindegi basqarmasynyń basshysy Qaıratbek Seıitbekov.

V Azııa para oıyndarynyń alǵashqy jarystary 16 qazanda para ústel tennısinen bastalady. Resmı ashylý saltanaty 18 qazanda Nagoıa qalasynyń ­Mıd­zýho jeńil atletıka stadıonynda ótedi.

Jalpy, elimiz Azııa para oıyn­­darynda 2010 jyldan beri qaty­syp keledi. Sodan bergi jarystar barysynda 105 medal – 20 altyn, 35 kúmis, 50 qola medal jeńip aldy.

2010 jyly 63 sportshy jarystyń 6 túrinen baq synap, 2 kúmis, 5 qola júlde ıelendi. Al 2014 jyly Ońtústik Koreıanyń Inchhon qalasynda 78 sportshy 9 saıys túrinen jarysyp, 24 medalǵa (7 altyn, 6 kúmis, 11 qola) ıe bolsa, 2018 jyly Indonezııa astanasy Djakartada ótken III Azııa para oıyndarynda 90 sportshymyz 9 sport túrinen baq synap, 33 medal (5 altyn, 15 kúmis, 13 qola) jeńip aldy.

2023 jyly Qytaıdyń Hanchjoý qalasynda ótken sońǵy Azııa para oıyndarynda el namysyn qorǵaǵan 131 sportshy rekordtyq 41 medaldy (8 altyn, 12 kúmis, 21 qola) enshiledi.

Dastan KENJALIN,

ASTANA