قازاق دزيۋدوشىلارى ماروككودان كۇمىس جۇلدەمەن ورالدى

سەمەي سپورت اكادەمياسىنىڭ شاكىرتى ەراسىل قاجىباەۆ ماروككونىڭ ماراككەش قالاسىندا دزيۋدودان ءوتىپ جاتقان گران پري جارىسىنىڭ كۇمىس جۇلدەگەرى اتاندى، دەپ حابارلادى سەمەي سپورت اكادەمياسىنىڭ ءباسپاسوز قىزمەتى. 

ەراسىل فينالعا دەيىن القىنباي جەتىپ، فينالدىق بەلدەسۋدە گەرمانيالىق سۆەن حەينليگە ەسە جىبەرىپ الدى. راس، كۇمىس جۇلدەنى دە قومسىنىپ وتىرعانىمىز جوق. ەراسىلدىڭ جەڭىستى كۇندەرى الدا دەپ بىلەمىز. قاجىباەۆ ەل نامىسىن ابىرويمەن قورعاپ جۇرسە، ول باپكەردىڭ ەڭبەگى. بۇل رەتتە سەمەي سپورت اكادەمياسىنىڭ ديرەكتورى مەرەيعالى كوشكىنوۆ، دزيۋدو ءبولىمىنىڭ اعا جاتتىقتىرۋشىسى، ەراسىلدىڭ سەمەيدەگى جەكە باپكەرى ەرجان جانتاسوۆتىڭ ەڭبەگى زور دەپ بىلەمىز.

ايتا كەتەيىك، تاعى ءبىر دزيۋدوشى ەرلان سەرىكجانوۆ ءدال وسى جارىستا 66 كيلوعا دەيىنگى سالماقتا بەلدەسىپ، قولا جۇلدەنى قورجىنعا سالعان بولاتىن. جالپى، قازاقستان قۇراماسى ماروككودا وتكەن گران پري جارىسىن 1 كۇمىس، 1 قولا جۇلدەمەن اياقتادى.