استانادا ات ۇستىنەن ساداق اتۋدان الەم چەمپيوناتى وتەدى

30 مامىر مەن 2 ماۋسىم ارالىعىندا «حان-شاتىر» كەشەنى ماڭىندا وتەتىن  «Nur-Sultan Ethno Fest» مەرەكەسى اياسىندا ات ۇستىنەن ساداق اتۋدان تۇڭعىش الەم چەمپيوناتى تۋ كوتەرەدى، دەپ حابارلادى ۇلتتىق سپورت قاۋىمداستىعى.

نۇر-سۇلتان قالاسىندا العاش رەت  ۇيىمداستىرىلاتىن «Nur-Sultan Ethno Fest»  مەرەكەسىندە ەلوردالىقتار مەن قالا قوناقتارى تاماشالايتىن قىزىقتار مول. اتالمىش مەرەكەنى تاماشالاۋعا قولايلى بولۋ ءۇشىن «حان-شاتىر» كەشەنىنىڭ ماڭىندا، تۇران داڭعىلىنىڭ بويىندا اۋقىمدى ەتنو-قالاشىق بوي كوتەرەدى. بۇل ەتنو-قالاشىق – ۇلكەن ساحنادان، ۇلتتىق قولونەر بۇيىمدارىنىڭ ساۋدا ورنى مەن بىرنەشە كورمەلەردەن، بالالار مەن ەرەسەكتەرگە ارنالعان ۇلتتىق ويىندار وتەتىن سپورتتىق الاڭداردان، ءتورت ت ۇلىك پەن اسىل تۇقىمدى  جانۋارلاردى قىزىقتايتىن شاعىن سارايلاردان، ۇلتتىق جيھازدارمەن جابدىقتالعان بىرنەشە كيىز ۇيلەردەن تۇرادى. ءتورت كۇن بويى تاماشالاناتىن بۇل مەرەكەدە وتكىزىلەتىن اۋدارىسپاق، ساداق اتۋ، ارقان تارتۋ، اسىق اتۋ سياقتى كوپتەگەن ۇلتتىق ويىنداردىڭ قاتىسۋشىلارىنا ماراپاتتاۋ مەن جۇلدەلى سىيلىقتار تابىس ەتىلەدى. سونداي-اق، وسى كۇندەرى ەتنو-قالاشىققا كەلگەن بۇلدىرشىندەرگە   التىباقاندا تەربەلۋ، پوني اتتارعا ءمىنىپ سەرۋەندەۋ سياقتى قىزىقتار تەگىن كورسەتىلەدى.

مىنە، وسى «Nur-Sultan Ethno Fest»  مەرەكەسى اياسىندا  جامبى اتۋدان «التىن جەبە» اتتى تۇڭعىش  الەم چەمپيوناتى تۋ كوتەرەدى. مادەنيەت جانە سپورت مينيسترلىگىنىڭ جىلدىق كۇنتىزبەلىك جوسپارىنا سايكەس وتكىزىلەتىن بۇل دۇنيەجۇزىلىك مەرگەندەر سايىسىنىڭ الاڭى  ەتنو-قالاشىق اۋماعىندا ورنالاسقان.

ەسكە سالىپ وتسەك، بۇعان دەيىن جامبى اتۋدان «التىن جەبە» باسەكەسى ەلوردا تورىندە ەكى مارتە حالىقارالىق تۋرنير رەتىندە وتكىزىلدى. اتالمىش  جارىستى دۇنيەجۇزىلىك دەڭگەيگە كوتەرۋ ماقساتىندا بيىلعى جىلى ات ۇستىنەن ساداق اتۋدان ءى الەم چەمپيوناتى ۇيىمداستىرىلادى. الەمدىك دەڭگەيدەگى سايىسقا  ازيا مەملەكەتتەرىمەن قاتار وڭتۇستىك افريكا، مالايزيا، وڭتۇستىك كورەيا، يوردانيا، رۋمىنيا، فينليانديا، پولشا، ۆەنگريا سىندى ەلدەردىڭ اتاقتى مەرگەندەرى قاتىسادى. ءى الەم چەمپيوناتىنىڭ مەرگەندىك باسەكەلەرى «ازيا ءستيلى»، «تۇرىك ءستيلى» جانە جامبى اتۋ ەرەجەلەرى بويىنشا وتكىزىلەدى. ايتا كەتسەك، «Nur-Sultan Ethno Fest»  مەرەكەسى اياسىنداعى «التىن جەبە» ءى الەم چەمپيوناتىن نۇر-سۇلتان قالاسى اكىمدىگى مەن ۇلتتىق سپورت قاۋىمداستىعى بىرلەسە ۇيىمداستىرۋدا.