SportPress.kz Qazaqstan sport jańalyqtary
Birer kún buryn qos jattyqtyrýshy bastaǵan tórt tańdaýly mergenimiz Ońtústik Koreıada at ústinen sadaq atýdan uıymdastyrylǵan álem chempıonatyna attanǵan bolatyn. Qazirgi kezde Eralhan Aıkóz, Abzal Týlybekov, Aıtbek Sarybaı, Babajan Baqdáýlet esimdi sportshylarymyz Ońtústik Koreıanyń Kańvondo provınııasyndaǵy Sokhcho qalasynda ótip jatqan XV álem chempıonatynda baq synaýda.
Jankúıer jadyna salyp ótelik, bizdiń mergenderimiz Ońtústik Koreıadaǵy álem chempıonatyna bıyl ekinshi márte qatysýda. О́tken jyly dál osy Sokhcho qalasynda 23 memlekettiń mergenderi qatysqan chempıonatta Abzal Týlybekov pen Eldos Badashev komandalyq jarystan jeńimpaz atanyp oralǵan bolatyn.
Sýrette: XV álem chempıonatyna qatysýshy qazaq surmergenderi. (Soldan ońǵa qaraı) 2019 jyly elordada ótken «»Altyn jebe» I álem chempıonatynyń chempıony Eralhan Aıkóz, 2018 jyly Ońtústik Koreıada ótken XIV álem chempıonatynyń komandalyq jarysynda jeńimpaz atanǵan Abzal Týlybekov, 2017-2018 jyly ótken «Altyn jebe» halyqaralyq týrnıriniń kúmis, qola júldegeri Aıtbek Sarybaı jáne 2019 jyly Almatyda ótken jastar arasyndaǵy I Azııa chempıonatynda jamby atýdan chempıon atanǵan Babajan Baqdáýlet.
Jamby atý sportynan respýblıkalyq bas tóreshi, elimizdiń aıtýly mergenderiniń biri Eldos Badashevtiń habarlaýynsha, ótken jylǵy álem chempıonaty qarsańynda semınar uıymdastyrylyp, sol semınarda qazaqtyń jamby atý saıysy «Qazaq stıli» degen ataýmen tanystyrylǵan eken. Bizdiń mergender jamby atýdyń ádis-tásilderin kórsetken. Sonda Jamby atýdyń básekesine qatty qyzyqqan Ońtústik Koreıa Respýblıkasyndaǵy Dúnıejúzilik at ústinen sadaq atý federaııasynyń prezıdenti Kım Iýng Sýp myrza semınar sońynda «Qazaq stılin» kelesi jylǵy álem chempıonatyna qosýǵa ýáde bergen. Mine, Dúnıejúzilik at ústinen sadaq atý federaııasynyń prezıdenti sol ýáde údesinen shyǵyp, XV álem chempıonatynda dúnıejúzi mergenderi tuńǵysh ret «Qazaq stıli» básekesinen de baq synamaqshy. Eldos Badashev bıylǵy semınarda da jamby atý jarysy týraly keń kólemde baıandama jasaǵan. Olaı bolsa, osy jylǵy elimizde jamby atýdan ótken Jastar arasyndaǵy I Azııa chempıonaty men «Altyn jebe» I álemdik básekede top jarǵan bizdiń surmergenderimiz Koreıadaǵy álemdik dodadan da oljaly oralady dep úmittenemiz.
At ústinen sadaq atýdan XV álem chempıonaty 27 tamyz kúni bastaldy. Mergenderimizdi álemdik básekege bastap barǵan jattyqtyrýshylar Eldos Badashev pen Arslan Qabjanov. Chempıonat 1 qyrkúıek kúni aıaqtalady.
