اقتوبەدە ۇلتتىق سپورت فەستيۆالى باستالدى

اقتوبە قالاسىندا كەشە باستالعان ۇلتتىق سپورت فەستيۆالىنىڭ العاشقى كۇندەرى جانكۇيەرلەر كوكپار دوداسىن تاماشالاۋدا. ەلىمىزدىڭ 12 كوكپار كومانداسى  V فەستيۆال جۇلدەسىن ساراپقا سالۋدى باستاپ كەتتى. بۇل تۋرالى قازاقستان ۇلتتىق سپورت قاۋىمداستىعى حابارلادى.

V فەستيۆالعا باتىس قازاقستان، جامبىل، قوستاناي، قىزىلوردا، تۇركىستان، سولتۇستىك قازاقستان، ماڭعىستاۋ، شىعىس قازاقستان، قاراعاندى، اقمولا، اقتوبە وبلىستارى مەن نۇر-سۇلتان قالاسىنىڭ كوماندالارى قاتىسۋدا. بۇل ون ەكى كوماندا ءتورت توپقا بولىنگەن. «ا» توبىندا –  باتىس قازاقستان، جامبىل، قوستاناي كوماندالارى; «ۆ» توبىندا – قىزىلوردا، تۇركىستان جانە نۇر-سۇلتان قالاسىنىڭ كوماندالارى; «س» توبىندا – سولتۇستىك قازاقستان، ماڭعىستاۋ، شىعىس قازاقستان كوماندالارى; «د» توبىندا – قاراعاندى، اقمولا، اقتوبە كوماندالارى.

كوكپارشىلاردىڭ العاشقى  ىرىكتەۋ ويىندارى اقتوبە قالاسىنىڭ ىرگەسىندەگى اتشاباردا كەشە باستالدى. جارىستىڭ باس تورەشىسى – قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى نۇرداۋلەت مومىنوۆ، باس حاتشىسى – قازاقستان رەسپۋبليكاسىنىڭ ۇلتتىق دارەجەدەگى تورەشىسى گۇلنار بازارحانوۆا.

18 قازان كۇنگى كوكپار ويىنى:

باتىس قازاقستان وبل. – قوستاناي وبل.. ەسەپ – 1:6

نۇر-سۇلتان قالاسى –  قىزىلوردا وبل.  ەسەپ – 6:1

سولتۇستىك قازاقستان وبل. – شىعىس قازاقستان وبل. ەسەپ – 4:0

قاراعاندى وبل. – اقتوبە وبل. ەسەپ – 0:5

19 قازان كۇنگى كوكپار ويىنى:

باتىس قازاقستان وبل. – جامبىل وبل. ەسەپ – 1:11

تۇركىستان وبل. – قىزىلوردا وبل.  ەسەپ – 3:0

شىعىس قازاقستان وبل. – ماڭعىستاۋ وبل. ەسەپ – 3:4

قاراعاندى وبل. – اقمولا وبل. ەسەپ – 0:3