Aqtóbede Ulttyq sport festıvali bastaldy

Aqtóbe qalasynda keshe bastalǵan Ulttyq sport festıvaliniń alǵashqy kúnderi jankúıerler kókpar dodasyn tamashalaýda. Elimizdiń 12 kókpar komandasy  V festıval júldesin sarapqa salýdy bastap ketti. Bul týraly Qazaqstan Ulttyq sport qaýymdastyǵy habarlady.

V festıvalǵa Batys Qazaqstan, Jambyl, Qostanaı, Qyzylorda, Túrkistan, Soltústik Qazaqstan, Mańǵystaý, Shyǵys Qazaqstan, Qaraǵandy, Aqmola, Aqtóbe oblystary men Nur-Sultan qalasynyń komandalary qatysýda. Bul on eki komanda tórt topqa bólingen. «A» tobynda –  Batys Qazaqstan, Jambyl, Qostanaı komandalary; «V» tobynda – Qyzylorda, Túrkistan jáne Nur-Sultan qalasynyń komandalary; «S» tobynda – Soltústik Qazaqstan, Mańǵystaý, Shyǵys Qazaqstan komandalary; «D» tobynda – Qaraǵandy, Aqmola, Aqtóbe komandalary.

Kókparshylardyń alǵashqy  irikteý oıyndary Aqtóbe qalasynyń irgesindegi atshabarda keshe bastaldy. Jarystyń Bas tóreshisi – Qazaqstan Respýblıkasynyń Eńbek sińirgen jattyqtyrýshysy Nurdáýlet Momynov, Bas hatshysy – Qazaqstan Respýblıkasynyń Ulttyq dárejedegi tóreshisi Gúlnar Bazarhanova.

18 qazan kúngi kókpar oıyny:

Batys Qazaqstan obl. – Qostanaı obl.. Esep – 1:6

Nur-Sultan qalasy –  Qyzylorda obl.  Esep – 6:1

Soltústik Qazaqstan obl. – Shyǵys Qazaqstan obl. Esep – 4:0

Qaraǵandy obl. – Aqtóbe obl. Esep – 0:5

19 qazan kúngi kókpar oıyny:

Batys Qazaqstan obl. – Jambyl obl. Esep – 1:11

Túrkistan obl. – Qyzylorda obl.  Esep – 3:0

Shyǵys Qazaqstan obl. – Mańǵystaý obl. Esep – 3:4

Qaraǵandy obl. – Aqmola obl. Esep – 0:3