بەكزاتىم-اي!!!

…سيدنەي وليمپياداسى بۇگىنگىدەي كوز الدىمدا!!! ول وليمپياداعا قر مەملەكەتتىك حاتشىسى ءابىش كەكىلباەۆ اعانىڭ توقپاعىنىڭ ارقاسىندا بارعان مەن اللا ءساتىن سالىپ، 22 كۇن وليمپيادا قالاشىعىندا جاتتىم. سوندا بەكزاتپەن جاتقان بولمەلەرىمىز قول سوزىم عانا جەردە بولىپ، 22 كۇن بويى قۇشاق ايىرماي، سىرلاسىپ بىرگە جۇردىك!

بەكزاتتىڭ ءاربىر شايقاسىنان كەيىن سول كەزدەگى مينيسترلىكتىڭ  شتاتتاعى كوماندالار جانە سپورت رەزەرۆى ديرەكتسياسىنىڭ باسشىسى سەرىك تۇكيەۆ ەكەۋمىز ونىڭ بولمەسىنە ارنايى بارىپ، بەتىنەن ءسۇيىپ، ارقاسىنان قاعىپ جۇردىك…چەمپيون اتانعان بەكزات ساتتارحانوۆتى سول ساتتە رينگ تۇبىنەن كۇتىپ الىپ، تۇڭعىش بوپ سۋرەتكە ءتۇسىرىپ، ونىمەن بىرگە «تىشقان جورعالاتپايتىن» قۇپيا بولمەگە كىرىپ كەتىپ، ارناۋلى ادامدار وعان التى قۇتى سۇيىقتىق ىشكىزىپ، دوپينگكە ءزارىن توسىپ العاندا جانىندا بولىپ، ۆولونتەر جانار دەگەن قىزىمىز ارقىلى الگىلەرمەن سويلەسكەن بەكزاتتىڭ ءار ءسوزىن ەستىپ، ءار قيمىلىن باقىلاعان باسىمىز…

بۇگىن سول التىن ۇل جانىمىزدا جوق دەگەنگە سەنە الماي، كۇنى بويى مەڭ-زەڭ بوپ جۇردىك…تۋعانىنا 40 جىل تولىپ، جىل اياعىندا ماڭگىلىككە ايرىلعانىمىزعا 20 جىل بولاتىن بەكزات ساتتارحانوۆتىڭ جاراسى قازاق حالىق بوپ، ۇلت بوپ تۇرعاندا جازىلمايدى-اۋ، جازىلمايدى! قايران، بەكزاتىم-اي!!!

…بۇگىن «حابار» ارناسى تۇسىرگەن «بەكزات» اتتى كوركەم ءفيلمدى كوردىم… اسەرى اۋىر بولدى. پىكىرىمدى بىرەر كۇننەن سوڭ، مىنا زىلدەي سالماقتان ارىلعان سوڭ جازارمىن.

نەسىپ جۇنىسباي ۇلى،  جۋرناليست-جازۋشى، سپورت قايراتكەرى،

قازاقستان رەسپۋبليكاسىنىڭ ەڭبەك سىڭىرگەن قايراتكەرى.