مىڭ تاعزىم سىزگە، مايدانگەر

1941-1945 جىلدارى ەلىن قورعاۋعا اتتانعان قىز-جىگىتتەرىن كەۋدەلەرىندە نامىس وتى ويناپ، پاتريوتتىق سەزىمنىڭ جالىنداعانى ءبىزدى بۇگىنگى بەيبىتشىلىك ومىرگە اكەلدى. بۇگىنگى ۇرپاق سول كەزدەگى جالىندى جاستارعا، بۇگىنگى ارداقتى ارداگەرلەرگە، اتالار مەن اجەلەرگە ماڭگىلىك قارىزدارمىز.

ولاردىڭ ەرلىكتەرى مەن ونەگەلى ىستەرىنە باس يەمىز، سەبەبى ولار ءبىز ءۇشىن بولاشاقتىڭ قامى ءۇشىن  قىمباتتىلارىنان ايىرىلدى، ومىرلەرىن قۇربان ەتتى. ءتورت جىلعا سوزىلعان الاپات سوعىستىڭ   جەڭىسى – ۇلى جەڭىس!

وسى ز ۇلىم سوعىس ادامنىڭ تاعدىرىن تالكى ەتتى، قانشاما ارماندى، قانشاما عۇمىردى قىرشىنىنان قيدى. بيىل وتان سوعىسىنىڭ باستالعانىنا 80 جىل تولادى.  جىلدان-جىلعا ارداگەرلەر قاتارى ازايىپ بارادى. بىراق ولاردىڭ ەسىمدەرى ماڭگىگە وشپەيتىنى دە ايقىن. ەسىمىزدە ماڭگى قالادى. ءبىز اتالار ەرلىگىن ماڭگى ەستە ساقتاپ، ۇمىتپاي، ارداگەرلەرگە تاعزىم ەتىپ جۇرەمىز. ونداي  سوعىستى  كەيىنگى  ۇرپاق  كورمەي-اق  قويسىن. وسىنداي  سوعىستىڭ  قيىندىعىن  باسىنان  كەشكەن، قان  مايداندا  بولعان  سوعىس  ارداگەرى،  مايدانگەر  ارداقتى  اتامىز  – كەنجەباي جالماعانبەت ۇلى ەدى.

1942  جىلى  10-قاڭتاردا  اتام  مايدانعا  اتتانىپتى. سوعىس  كەزىندە  كالينين  وبلىسى، 11-پريبالتيكا  وڭىرىندە  اتقىشتار  پولكىنە  تۇسەدى. 1942  جىلى  20-مامىردا  «1264»  اتقىشتار  پولكىنە  انت  قابىلداعان.

اكەم كەنجەباي جالماعانبەتوۆ 1917 جىلعى 5 مامىردا تورعاي وبلىسى امانگەلدى اۋدانىنىڭ يمانوۆ اۋىلىندا تۋعان. ۇلى وتان سوعىسى مايدانىنا 1941 جىلعى 20 اقپاندا شاقىرىلىپ، ۋكرايناداعى 197 مەرگەندەر پولكى قۇرامىنداعى ۇرىستا شايقاستى. اكەم ءوز پولكىندە جۇرگەندە  ءۇش رەت جارالانادى، ايلاپ گوسپيتالدا جاتىپ، 1943 جىلى 15 ناۋرىزدا اۋىر جاراقاتتىمەن ەلگە ورالادى.

9 مامىر ۇلى وتان سوعىسى اياقتالعان كۇندى اكەم ەلدە قارسى الىپ، سوعىستان كەيىن دە ءار ءتۇرلى قىزمەتتە بولعان. ەرەن ەرلىگى ءۇشىن 2-دارەجەلى وتان سوعىسى وردەنىمەن، ءتورت مەرەكەلىك جانە «ەڭبەك ارداگەرى» مەدالدارىمەن ماراپاتتالعان.

اكەم ۇلى وتان سوعىسىنىڭ ءىى-توپتاعى مۇگەدەگى. ول 1945 جىلى جەلتوقسان ايىندا  شەشەمىز راقيلا بەكماعانبەتقىزىمەن شاڭىراق كوتەرىپ، وتباسىن قۇرىپ، ەكى ۇل، ءتورت قىز بالا تاربيەلەپ، ەلۋ جىلعا جۋىق تاتۋ-ءتاتتى ءومىر ءسۇرىپ، ۇلى-قىزدارىن قاتارعا قوسىپ، ون ءۇش نەمەرە ءسۇيىپ، 1992 جىلى  8 ساۋىردە دۇنيەدەن وزدى. قازىردە سول ارداقتى دا اياۋلى اكە-شەشەمىزدىڭ بەرگەن ونەگە، تاربيەسىنىڭ ارقاسىندا، شۇكىرشىلىك ەتىپ، جۇرت قاتارلى عۇمىر كەشۋدەمىز…

ومىراۋى وردەن مەن مەدالدارعا تولى قارت جاۋىنگەر، قايراتتى دا، قاجىرلى اكەمنىڭ  وتكەن ءومىر جولى وسىنداي. سول قيان-كەسكى جىلدارداعى قارۋ اسىنىپ، بىرگە جۇرگەن اكەمنىڭ دوستارىننىڭ  سۋرەتتەرىن قاراپ، ەسكە الىپ، سۋرەتتەرىن ساقتاپ كەلەمىن.

مايدانگەر اكەمىز: «ەلىمىز بەيبىتشىلىكتە بولسىن، ءبىزدىڭ كورگەنىمىزدى قايتا باسقا بەرمەسىن، تىنىشتىقتا بەيبىت ءومىر سۇرىڭدەر»، — دەۋدەن تانبايتىن.

جارقىن بولاشاق سىيلاعان مايدانگەر اكەمىزدىڭ جاتقان جەرى جۇماق، جاققانى شىراق بولسىن دەي كەلە، بارشامىزعا بەيبىت اسپان سىيلاعان، بەيبىت زاماندا عۇمىر كەشۋگە مۇمكىندىك بەرگەن وسى كىسىلەر.

بۇگىنگى تاڭداعى باستى جەتىستىگىمىز – ەل ەگەمەندىگىن ءسوز ەتپەس بۇرىن ونى ەڭ اۋەلى قۇرمەتتى سوعىس ارداگەرلەرى بىزگە تارتۋ ەتكەن بوستاندىقتىڭ جەمىسى دەپ باعالاي، قاستەرلەي ءبىلۋىمىز پارىز.

ەل الدىنداعى بورىشتارىن وتەپ، ەلىمىزدىڭ اماندىعىن، جەرىمىزدىڭ تۇتاستىعىن قورعاپ قالعان ەرلەرگە تاعزىم ەتەمىز. ولار ەلىمىزدىڭ جارقىن بولاشاعىن، جاس ۇرپاقتىڭ ءومىرىن، حالىقتىڭ باقىتى مەن قۋانىشىن ساقتاپ قالدى. ارداگەرلەردىڭ ەرلىكتەرى ارقاسىندا ءبىز وسى كۇنگە جەتتىك. ءبىزدىڭ ءوز قالاۋىمىزبەن ەركىن ءومىر ءسۇرىپ، مەكتەپتە الاڭسىز ءبىلىم الىپ جاتقانىمىز، شاتتانا كۇلگەنىمىز، جايراڭداپ كۇلگەنىمىز – ءبارى دە سول ۇلى وتان سوعىسى جەڭىسىنىڭ جەمىسى. ارينە، سوعىس بولماسىن! بىزدەر سوعىسقا قاتىسىپ باتىر بولمايىق. ءبىز بەيبىت كۇننىڭ باتىرلارى بولۋعا تىرىسايىق. ەل ءۇشىن ايانباي ەڭبەك ەتىپ، ءبىلىم الىپ، ءوز جەرىمىزدىڭ پاتريوتتارى بولۋعا مۇمكىندىكتەر بار.

مايدانگەردىڭ قىزى  بيبى ەدىرەسوۆا