«Klassıkterimiz» jalpy esepte top jardy

Búgin Mońǵolııanyń astanasy Ulan-Batyr qalasynda kúres túrlerinen ótip jatqan Azııa chempıonatynyń ekinshi kúni grek-rım kúresi sheberleri arasyndaǵy beldesýler aıaqtaldy.

Qazaqstan quramasy 10 salmaqtyń toǵyzynda júlde alyp,180 upaımen jalpykomandalyq esepte birinshi orynǵa ıe boldy. Ekinshi orynda 151 upaımen Iran quramasy. Úzdik úshtikke 133 upaıǵa ıe bolǵan Qyrǵyzstan quramasy kirdi.

Búgin 67 kılodaǵy balýanymyz Meıirjan Shermahanbet el qorjynyna ekinshi altyn júlde salsa,  Abylaıhan Ámzeev (72 kg) pen Dıas Qalen (82 kg) kúmis júldeni ıelendi. 60 kılodaǵy Ernur Fıdahmetovke buıyrǵany qola júlde boldy. 97 kılo salmaqta synǵa túsken taǵy bir balýanymyz Sanjar Serikhan qola úshin bolǵan beldesýde japon balýanyna sál ǵana ese jiberdi. Sanjar júldege ıe bolǵanda 10 salmaqtyń bárinde de júlde bolatyn edi.

Osylaısha, grek-rım kúresinen Serik Jumashev jattyqtyratyn Qazaqstan quramasy Azııa chempıonatynda óte sátti óner kórsetti. Otandastarymyzdyń enshisinde 2 altyn, 5 kúmis, 2 qola medal bar. Jeńis qutty bolsyn aǵaıyn!

«Klassıkterimizdiń» jeńisti joly erteń boz kilemge shyǵatyn qyzdarymyzǵa juǵysty bolsyn deımiz!

Musaǵalı TASQALIEV, «Sport juldyzdary» respýblıkalyq jýrnalynyń bas redaktory

Birinshi sýrette: grek-rım kúresinen Qazaqstan quramasy jeńis tuǵyrynda

Ekinshi sýrette: Mońǵolııaǵa arnaıy baryp, ulttyq quramaǵa qoldaý kórsetip júrgen sport janashyry, meenat Rústem Muqatov Azııa chempıondary atanǵan Álimhan Syzdyqov pen Meıirjan Shermahanbetterdiń ortasynda

FOTO: Qazaqstan Respýblıkasy kúres túrleri federaııasy baspasóz qyzmetiniń basshysy Aspandııar ESENJOLOV