Peleniń jaǵdaıy qıyndap barady – BAQ

Ataqty brazılııalyq fýtbolshy Pele otbasymen jáne dostarymen qoshtasa bastady. О́ıtkeni, onyń jaǵdaıy óte nashar. Bul týraly brıtandyq kásipker, sport menedjeri Frank Halıd habarlady.

«Pele aýrýhana tóseginen otbasymen jáne dostarymen qoshtasady. Fýtbol ańyzy Pele qaterli isik aýrýymen eki aıdan berip aýyryp jatyr. 82 jastaǵy Pele úshin qaterli isikpen kúresý ońaı bolmaı tur. Otbasy onyń jaǵdaıy odan ári nasharlap bara jatqanyn aıtady», — dep jazdy ol Twitter-de.

Sondaı-aq, jelide Pelemen qoshtasýǵa daıyndyq týraly beıne taratyldy. Biriktirilgen kadrlarda brazılııalyq sportshy beınelengen úlken altyn qorap bar. 24 jeltoqsanda la Notícia basylymy habarlaǵandaı, Santos qalasyndaǵy Vıla Belmıro stadıonynda tabytqa uqsas qurylym jınalady.

«Stadıonda úlken aq shatyr ornatyldy. Onyń ortasynda tabyt tiregine óte uqsas qurylym bar. Peleniń fotosýretteri men músinderi de kelip, shatyrdyń ishine aparylady», — dep habarlady basylym.

Peleniń densaýlyǵynyń nasharlaǵany týraly 21 jeltoqsanda onyń emdeýshi dárigerleri habarlady. Olar fýtbolshynyń qaterli isigin emdeýdegi teris dınamıkany kórsetti.

29 qarashada 82 jastaǵy Pele jospardan tys aýrýhanaǵa jatqyzyldy. Oǵan jalpy dene isinýi, sonyń ishinde dekompensaııalanǵan júrek jetkiliksizdigi dıagnozy qoıyldy.

Pele Brazılııa quramasynda úsh dúrkin álem chempıony atanǵan fýtbolshy. Halyqaralyq fýtbol federaııasy ony HH ǵasyrdyń úzdik fýtbolshysy dep tanydy. Sportshynyń shyn aty – Edson Arantıs dý Nasımentý.

Ol oıynshy retinde úsh ret álem chempıony atanǵan álemdegi jalǵyz fýtbolshy. Pele 1958, 1962 jáne 1970 jyldary álem chempıony ataǵyn aldy. 1966 jylǵy álem chempıonatynda Brazılııa komandasy toptan shyǵa almady. Brazılııa quramasy úshin ol 92 match ótkizip, 77 gol saldy.

Nurdáýlet KENJEBAI,

ASTANA