Boksshy Aıbek Oralbaı qarsylasyn nokaýtqa túsirdi (VIDEO)

Majarstannyń Debreen qalasynda ótip jatqan bokstan halyqaralyq týrnırde Aıbek Oralbaı qarsylasyn nokaýtqa túsirip, jeńiske jetti.

Aıbek Oralbaı Ishtvan Bochkaıdi eske túsirýge arnalǵan týrnırde 92 keli salmaqta Germanııanyń boksshysy Aleksandr Okarovpen kezdesken edi. Jekpe-jekte Aıbek qarsylasyn besinshi buryshty izdeýge májbúrlep, sońynan nokaýtqa túsirdi. Osylaısha ol jartylaı fınalǵa joldama aldy.

Buǵan deıin jartylaı fınalǵa Damır Ábdiqadyr (51 kg) men Temirtas Júsipov (48 kg) shyqqan edi.

Al Nurbek Oralbaı (80 kg) shırek fınalda ýkraın boksshysy Aleksandr Hıjnıakten utylyp qaldy.

Qazaqstan quramasynan týrnırge 13 boksshy qatysyp jatyr.

Dastan KENJALIN,

ASTANA

View this post on Instagram

A post shared by Kazakhstan Boxing Federation (@boxingkazakhstan)