Qazaqstanǵa Belarýsten fýtbolshylar qaptap kelip jatyr

Qazir fýtboldan Qazaqstan chempıonatynyń 13 klýbynda Belarýs elinen kelgen fýtbolshylar oınap jatyr.  Bul tizim legıonerlerdiń sany shektelmese, budan da kóbeıýi múmkin.  

Fýtbol ınsaıderi Aıdyn Qojahmettyń aıtýynsha, eldegi 16 klýbtyń 13-inde Belarýs chempıonatynda dop tepken fýtbolshy bar. Olardyń bári premer-lıgada oınaıdy. Qazaqstanǵa belarýs oıynshylary jalaqyǵa qyzyǵyp kele jatyr.

2000-2019 jyldar aralyǵynda Belarýs fýtboly Eýropa alańdarynda jaqsy nátıje kórsetti. Mysaly,  Borısov qalasynyń BATE klýby Chempıondar lıgasynyń toptyq kezeńine bes ret shyqty. Úsh márte Eýropa lıgasynyń pleı-off básekesinde oınady. Osydan 10 jyl buryn BATE oıynshylarynyń ortasha jalaqysy 15 myń AQSh dollary bolatyn. Sondyqtan ol klýbtan Qazaqstanǵa keletin fýtbolshylar az edi. Al qazir jaǵdaı ózgerdi. Qazir Belarýsten Qazaqstanda oınaǵysy keletin legıonerler kóbeıdi. О́ıtkeni, el prezıdenti Aleksandr Lýkashenko jalaqyny azaıtýdy tapsyrdy, — dedi ol.

Onyń aıtýynsha, byltyr jeltoqsan aıynda jalaqyny qysqartý tipten kúsheıdi. Tek ulttyq quramada oınap júrgenderge ǵana tıisti aılyqtaryn alyp otyrddy. Olar 6 myń dollarǵa deıin jalaqy alady. Qalǵandary aıyna 1 600 – 2 000 dollarmen shektelip otyr. Sondyqtan reti kelse, Belarýs fýtbolshylary basqa chempıonattardan óz baqtaryn izdeýdi jón kórip jatyr. Ásirese, Qazaqstanǵa keletinder kóbeıgen.

Qazir qolda bar málimetke qarasaq, fýtbol ınsaıderi Aıdyn Qojahmet aıtqandaı,  qazir eldegi 16 klýbtyń 13-inde Belarýs chempıonatynda dop tepken fýtbolshy bar. Olar myna komandalarda oınaıdy.

Bul tizimde ózge elden kelgen legıonerler de bar.

«Ordabasy»: Bobýr Abdıholıkov, Vsevolod Sadovskıı, Shahboz Ýmarov, Dmıtrıı Borodın, Domınık Dınga.

«Atyraý»: Aleksandr Noıok, Nıkıta Stepanov, Igor Stasevıch, Egor Hatkevıch.

«Tobyl»: Igor Ivanovıch*, Ilıa Vasılev*, Islam Chesnokov, Ivan Konovalov.

«Kaspıı»: Dmıtrıı Podstrelov, Georgıı Býgýlov, Alekseı Zaleskıı, Maksım Plotnıkov.

«Maqtaaral»: Jýnıor Kabananga, Seký Dýmbııa, Rýslan Iýdenkov.

«Astana»: Dembo Darbo, Maks Ebong, Kamo Oganesıan.

«Jetisý»: Rýslan Teverov, Mýrat Býraev, Pavel Nazarenko.

«Qyzyl-Jar»: Evgenıı Berezkın, Roman Stepanov*.

«Shahter»: Rodjer Kanıas, Stefan Býkora.

«Oqjetpes»: Rýslan Bolov, Dmıtrıı Ryjýk. «Aqtóbe»: Dmıtrıı Iashın.

«Qaırat»: Gúljigit Áliqulov.

«Qaısar»: Sergeı Bondarenko.

Dastan KENJALIN,

ASTANA