Maradonanyń qolmen gol salǵan doby aýkıonǵa tústi (VIDEO)

Argentınalyq fýtbolshy Dıego Maradonanyń 1986 jyly Meksıkada ótken álem chempıonatynyń shırek fınalynda Anglııa quramasynyń qaqpasyna qolmen gol salǵan doby aýkıonǵa tústi.

Bul dop osymen ekinshi ret aýkıonǵa qoıyldy.

Goldin aýkıonyna qatysýshylar dopty 1,7 mln dollarǵa satyp alǵysy kelgen. Biraq bul sol matchtyń tóreshisi Álı Bın Nasserdiń suraǵan baǵasyna jetpedi. Byltyr qarasha aıynda ótken aýkıonda dopty 2,4 mln dollarǵa satyp alǵysy kelgender bolǵan. Alaıda bul soma da doptyń alǵashqy baǵasynan 602 myń dollarǵa az shyqty.

Eske sala ketsek, 1986 jyly 22 maýsymda Meksıkada ótken álem chempıonatynyń shırek fınalda aǵylshyndar quramasynyń qaqpasyna ekinshi goldy ataqty argentınalyq fýtbolshy Dıego Armando Maradona qolmen salǵan edi. Ol sol matchtan keıin baspasóz konferenııasynda: «Bul -meniń qolym emes, bul  — Qudaıdyń qoly», — degen bolatyn.

Osy matchta Argentına quramasy Anglııa komandasyn 2:1 esebimen jeńip, jartylaı fınalda Belgııa jasaǵyn 2:0 esebimen utyp, fınalda Germanııadan 3:2 esebimen basym túsip, álem chempıony atandy.

Dastan KENJALIN,

ASTANA