حامزات چيماەۆ شاۆكات راحمونوۆتى «مىسىققا» تەڭەدى

تەگى شەشەن شۆەتسيالىق فايتەر حامزات چيماەۆ Instagram-دا شاۆكات راحمونوۆپەن جەكپە-جەك تۋرالى سۇراققا جاۋاپ بەردى.

جەلى قولدانۋشىلاردىڭ ءبىرى: «چيماەۆ، باۋىرىم، سەن ناقتى ايتشى، ءوتىنىش. قازاقتىڭ جولبارىسى شاۆكات راحمونوۆپەن ايقاسقا شىعۋدان قورقاسىڭ با؟»، — دەپ توتەسىنەن سۇراق قويعان.

وعان چيماەۆ: «بورىلەر مىسىقتان قورىقپايدى. قازاق، وسىنى ۇمىتپا!»، — دەپ جاۋاپ قايتارعان.

بۇعان دەيىن حابارلانعانداي، UFC-ءدىڭ فايتەرلەرى شاۆكات راحمونوۆ پەن حامزات چيماەۆ Instagram الەۋمەتتىك جەلىسىندە ءبىر-ءبىرىن كەكەتىپ، سوزگە كەلىپ، سوڭى داۋعا ۇلاسقان بولاتىن.

اۋەلى راحمونوۆ پاراقشاسىندا قاسقىر تەرىسىنىڭ ۇستىندە وتىرىپ تۇسكەن فوتوسۋرەتىن جاريالاپ، «بىرەۋلەر ءوزىن قاسقىرمىن دەسە… قاسقىرلار مىنە، ءبىزدىڭ استىمىزدا» دەپ بەلگىلى UFC-ءدىڭ فايتەرى، شۆەتسيادا تۇراتىن ۇلتى شەشەن حامزات چيۆاەۆقا قاتىستى جازبا قالدىردى. بۇعان ءوزىن «Borz» دەپ اتايتىن فايتەر جاۋاپ رەتىندە سۋرەت جاريالادى. شەشەن تىلىندەگى «Borz» – «قاسقىر» دەگەن ءسوز.

ءومىر بويى ءشيبورى بولىپ جۇرگەنگە قاراعاندا، ءوزىن قاسقىر دەپ ساناۋ – ۇلكەن ابىروي، – دەپ جازدى چيماەۆ.

كەيىن شاۆكات راحمونوۆ جازباسىن ءوشىرىپ تاستادى.

قازىر UFC-ءدىڭ ديۆيزيونىندا چيماەۆ 3-ورىندا تۇرسا، راحمونوۆ 6-ورىنعا ورنالاسقان. شەشەن فايتەرى 12 رەت جەڭىسكە جەتسە، قازاق فايتەرى 17 قارسىلاسىن ۇتقان. ەكەۋى دە ءالى بىردە-ءبىر رەت جەڭىلگەن جوق.

داستان كەنجالين،

استانا