Taekvondodan ÁCh: Jansel Denız júldege qol sozym jerde jeńildi (FOTO)

Búgin Ázerbaıjannyń astanasy — Bakýde ótip jatqan taekvondodan XXVI álem chempıonynyń ekinshi jarys kúni tatamıge ulttyq qurama sapynan Samırhon Ababakırov (58 kg), Nuraı Qusaıynova (67 kg) men Jansel Denız (73 kg) shyǵyp, eshqaısysy júldeli orynǵa jete almady, dep habarlady Mádenıet jáne sport mınıstrligi Sportty damytý dırekııasynyń baspasóz qyzmeti.

Tájirıbeli Jansel Denız Grekııa quramasynyń osy salmaqtaǵy kóshbasshy Anastasııa Delıdımıtrıs pen ıspanııalyq Belen Moran Romerony taza utyp, shırek fınalǵa shyqqan. Bul kezeńde ol Polına Hannan (Reseı) jeńilip, júldege bir taban jetpeı qaldy. Al Samırhon Ababakırov aljırlik Saıf Medjahed pen amerıkalyq Ýılıam Kannıngemnen basym tústi. О́kinishke qaraı, úshinshi aınalymda otandasymyz osy salmaqtaǵy álemdik reıtıngtiń kóshbasshysy, Tokıo Olımpıadasynyń kúmis júldegeri týnıstik Muhammed Halıl Jendýbıden jeńildi.

Nuraı Qusaıynova portýgalııalyq Mafalda Koelo men chehııalyq Iveta Jırankovany jeńip, básekeni senimdi bastaǵan. Osydan keıin onyń jolyn 2019 jylǵy álem chempıonatynyń qola júldegeri, jastar arasyndaǵy álem chempıony franııalyq Magda Vıet-Enen kesti.

Erteń Baký daıangyna Nurlan Myrzabaev (80 kg), Smaıyl Dúısebaı (87 kg) men Botakóz Qapanova (49) shyǵady.

Jalpy bıylǵy dodaǵa 145 elden myńǵa tarta taekvondoshy jınaldy. Bıylǵy doda Halyqaralyq taekvondo federaıasynyń 50 jyldyǵymen tuspa-tus kelip tur. Aldaǵy aptada munda Parıj Olımpıadasyna qajet upaılar sarapqa salynady. Bul sportta reıtıngi eń joǵary báseke – Olımpııa oıyndary (G20). Odan keıin álem chempıonaty (G14), Gran-prıdiń fınaly (G10) men Gran-prı sanatyndaǵy jarystar (G6) tur. Álem chempıony 140 ball alsa, kúmis júlde úshin 84, qolaǵa 50 upaı beriledi.

Shamken BAIYRBEK,

Foto: Mádenıet jáne sport mınıstrliginiń Sportty damytý dırekııasy

ASTANA