رىباكينا تۋرنيرگە قاتىسۋدان باس تارتتى

قازاقستان تەننيسشىسى، الەمنىڭ ءۇشىنشى راكەتكاسى ەلەنا رىباكينا ۇلىبريتانيانىڭ يستبورن قالاسىندا بولاتىن تۋرنيرگە قاتىسپاۋ تۋرالى شەشىم قابىلدادى. بۇل تۋرالى ايەلدەر تەننيس قاۋىمداستىعى (WTA) حابارلادى.

«رولان گارروس» ءتۋرنيرى كەزىندە ءوزىمدى جايسىز سەزىنىپ، جارىستان شىعىپ قالدىم. قوناق ءۇيدىڭ نومەرىنە بارعاندا دەنە قىزۋىم ودان سايىن كوتەرىلىپ، باسىمدى كوتەرە الماي قالدىم. سەنەسىزدەر مە، ءبىر اپتا ەشقايدا شىقپاي قوناق ۇيدە جاتتىم. سوسى ءوز-وزىمە كەلگەندەي بولىپ، گەرمانياداعى تۋرنيرگە قاتىستىم.

ەندى سىرقات دەگەن جامان عوي. وسى جەتىدە تولىق ەمدەلىپ الۋىم كەرەك. كەلەسى اپتادا ۋيمبلدون ءتۋرنيرى باستالادى. سوعان دەيىن تولىق جازىلسام جاقسى بولا ەدى، — دەدى ول.

بۇگىن  رىباكينا ءتۋرنيردىڭ ءبىرىنشى ءنومىرلى تەننيسشىسى رەتىندە تىركەلگەن قىتايلىق ۆان سيۋمەن كەزدەسۋى كەرەك ەدى. قىتاي سپورتشىسى رەيتينگتە 75-ورىندا تۇر.

ەندى رىباكينانىڭ ورنىنا رەيتينگتە ەكىنشى ورىندا تۇرعان چەحيالىق باربورا كرەيچيكوۆا قاتىسادى.

يستبۋرنداعى تۋرنير كەشە باستالعان. ول  1 شىلدەگە دەيىن بولادى.

داستان كەنجالين،

استانا