SportPress.kz Қазақстан спорт жаңалықтары
27 маусым мен 2 шілде аралығында Астанадағы «Beeline Arena»спорт кешенінде ерлер мен әйелдер арасында бокстан ІІ халықаралық «Елорда кубогы» турнирі өтеді.
Оған 12 елден 200-ден астам спортшы қатысады. Олардың ішінде Өзбекстан, Қытай, Үндістан, Моңғолия мен басқа да елдердің өкілдері бар.
Ерлер 13 салмақ дәрежесінде (46-48 кг, 51 кг, 54 кг, 57 кг, 60 кг, 63,5 кг, 67 кг, 71 кг, 75 кг, 80 кг, 86 кг, 92 кг, +92 кг), ал әйелдер 12 салмақ дәрежесінде (45-48 кг, 50 кг, 52 кг, 54 кг, 57 кг, 60 кг, 63 кг, 66 кг, 70 кг, 75 кг, 81 кг, +81 кг) өз бақтарын сынайтын болады.
Турнирдің жеңімпазына 700 АҚШ доллары беріледі. Екінші орынға 400 доллар, қола жүлде алған боксшыға 200 доллар тапсырылады.
Жарыстың жеңімпаздары мен жүлдегерлері тиісті дәрежедегі медальдармен және дипломдармен марапатталады.
Халықаралық турнир IBA жарыстарының техникалық ережелеріне сәйкес өтеді.
Жекпе-жек 3 минутқа созылатын үш раундтан тұрады. Раундтар арасында бір минуттық үзіліс болады. 10 ұпайлық IBA ұпай жүйесі қолданылады.
Қазақстан құрамасы сапында Олимпиялық ойындардың чемпиондары, әлем, Азия және басқа да халықаралық жарыстардың жеңімпаздары мен жүлдегерлері қатысады.
Турнир алты күнге созылады. Жекпе-жекті Qazsport телеарнасы мен «QAZAQ RING» YouTube платформасы тікелей эфирде көрсетеді.
Жарыс күн сайын сағат 14.00-де басталады. Кіру тегін.
Жарыстың ашылу салтанаты 27 маусым сағат 16.00-ге жоспарланған.
Қосымша ақпарат үшін Аян Төлеген +7 702 838 4466
Дастан КЕНЖАЛИН,
АСТАНА
