«Elorda kýbogy»: Astanada bokstan halyqaralyq týrnır ótedi

27 maýsym men 2 shilde aralyǵynda Astanadaǵy «Beeline Arena»sport kesheninde erler men áıelder arasynda bokstan II halyqaralyq «Elorda kýbogy» týrnıri ótedi.

Oǵan 12 elden 200-den astam sportshy qatysady. Olardyń ishinde О́zbekstan, Qytaı, Úndistan, Mońǵolııa men basqa da elderdiń ókilderi bar.

Erler 13 salmaq dárejesinde (46-48 kg, 51 kg, 54 kg, 57 kg, 60 kg, 63,5 kg, 67 kg, 71 kg, 75 kg, 80 kg, 86 kg, 92 kg, +92 kg), al áıelder 12 salmaq dárejesinde (45-48 kg, 50 kg, 52 kg, 54 kg, 57 kg, 60 kg, 63 kg, 66 kg, 70 kg, 75 kg, 81 kg, +81 kg) óz baqtaryn synaıtyn bolady.

Týrnırdiń jeńimpazyna 700 AQSh dollary beriledi. Ekinshi orynǵa 400 dollar, qola júlde alǵan boksshyǵa 200 dollar tapsyrylady.

Jarystyń jeńimpazdary men júldegerleri tıisti dárejedegi medaldarmen jáne dıplomdarmen marapattalady.

Halyqaralyq týrnır IBA jarystarynyń tehnıkalyq erejelerine sáıkes ótedi.

Jekpe-jek 3 mınýtqa sozylatyn úsh raýndtan turady. Raýndtar arasynda bir mınýttyq úzilis bolady. 10 upaılyq IBA upaı júıesi qoldanylady.

Qazaqstan quramasy sapynda Olımpııalyq oıyndardyń chempıondary, álem, Azııa jáne basqa da halyqaralyq jarystardyń jeńimpazdary men júldegerleri qatysady.

Týrnır alty kúnge sozylady. Jekpe-jekti Qazsport telearnasy men «QAZAQ RING» YouTube platformasy tikeleı efırde kórsetedi.

Jarys kún saıyn saǵat 14.00-de bastalady. Kirý tegin.

Jarystyń ashylý saltanaty 27 maýsym saǵat 16.00-ge josparlanǵan.

Qosymsha aqparat úshin Aıan Tólegen +7 702 838 4466

Dastan KENJALIN,

ASTANA