Rybakına týrnırge qatysýdan bas tartty

Qazaqstan tennısshisi, álemniń úshinshi raketkasy Elena Rybakına Ulybrıtanııanyń Istborn qalasynda bolatyn týrnırge qatyspaý týraly sheshim qabyldady. Bul týraly Áıelder tennıs qaýymdastyǵy (WTA) habarlady.

«Rolan Garros» týrnıri kezinde ózimdi jaısyz sezinip, jarystan shyǵyp qaldym. Qonaq úıdiń nomerine barǵanda dene qyzýym odan saıyn kóterilip, basymdy kótere almaı qaldym. Senesizder me, bir apta eshqaıda shyqpaı qonaq úıde jattym. Sosy óz-ózime kelgendeı bolyp, Germanııadaǵy týrnırge qatystym.

Endi syrqat degen jaman ǵoı. Osy jetide tolyq emdelip alýym kerek. Kelesi aptada Ýımbldon týrnıri bastalady. Soǵan deıin tolyq jazylsam jaqsy bola edi, — dedi ol.

Búgin  Rybakına týrnırdiń birinshi nómirli tennısshisi retinde tirkelgen qytaılyq Van Sııýmen kezdesýi kerek edi. Qytaı sportshysy reıtıngte 75-orynda tur.

Endi Rybakınanyń ornyna reıtıngte ekinshi orynda turǵan chehııalyq Barbora Kreıchıkova qatysady.

Istbýrndaǵy týrnır keshe bastalǵan. Ol  1 shildege deıin bolady.

Dastan KENJALIN,

ASTANA