رىباكينا ۋيمبلدون تۋرنيرىنە ءۇشىنشى راكەت بولىپ تىركەلدى

قازاقستاننىڭ جۇپتىق سىنداعى ۇزدىك تەننيسشىسى ەلەنا رىباكينا ۋيمبلدون تۋرنيرىنە ءۇشىنشى راكەتكا بولىپ تىركەلدى.

ول وسىمەن ۋيمبلدون تۋرنيرىنە ەكىنشى رەت قاتىسادى. بىلتىر تەننيسشى تۋرنيرگە العاش رەت قاتىسىپ، جەڭىمپاز اتانعان بولاتىن.

قازاقستاننىڭ ەرلەر اراسىندا – ءبىرىنشى، الەمنىڭ 27-راكەتكاسى الەكساندر بۋبليك ۋيمبلدوندا العاش رەت تاڭداۋلى تەننيسشىلەر قاتارىندا كۇش سىناسادى. جۋىردا ول گەرمانيانىڭ گاللە قالاسىندا وتكەن جارىستى جەڭىپ العان. ۋيمبلدون تۋرنيرىنە بۋبليك 24-راكەتكا بولىپ قوسىلادى.

قازاقستاننىڭ ەكىنشى، الەمنىڭ 138-راكەتكاسى تيموفەي سكاتوۆ تا ۋيمبلدون ءتۋرنيرىنىڭ  ىرىكتەۋ تۋرنيرىندە باق سىنايدى.

سونىمەن بىرگە بيىلعى ءۇشىنشى «ۇلكەن دۋلىعا» جارىسىنا يۋليا پۋتينتسەۆا دا قاتىسادى.

جۇپتىق سىندا اننا دانيلينا، الەكساندر نەدوۆەسوۆ جانە اندرەي گولۋبەۆ ۋيمبلدون كورتىنا شىعادى.

داستان كەنجالين،

استانا