SportPress.kz قازاقستان سپورت جاڭالىقتارى
استاناداعى «بارىس ارەنا» سپورت كەشەنىندە وتكەن «قازاقستان بارىسى-2023» رەسپۋبليكالىق تۋرنيرىندە بالۋان عالىمجان قىرىقباي جەڭىمپازى اتاندى.
ول فينالدا «ماڭعىستاۋ بارىسى» نۇرداۋلەت جارىلعاپوۆتى ۇتتى. وسىلايشا جامبىل وبلىسىنىڭ بالۋانى، «اسكەر بارىسى» عالىمجان قىرىقباي «قازاقستان بارىسى» اتاندى.
فينالدا بالۋاندار ءبىر-ءبىرىن اڭدىسىپ، نەگىزگى ۋاقىت تەڭ اياقتالعان ەدى. بىراق بەلدەسۋدىڭ سوڭىندا عالىمجان قىرىقبايدىڭ باعى باسىم بولدى.
بيىلعى بالۋاندار باسەكەسىندە 41 ۇمىتكەر باق سىنادى.
عالىمجان قىرىقباي بۇعان دەيىن «قازاقستان بارىسى» ءتۋرنيرىنىڭ كۇمىس تە، قولا دا جۇلدەگەرى بولعان. بيىلعى باسەكەدە ول التىن تايتۇياق پەن 25 ملن تەڭگەنى يەلەندى. ال «قارا بۋرا» نۇرداۋلەت جارىلعاپوۆ ەكىنشى رەت جارىستىڭ كۇمىس جۇلدەگەرى اتاندى. قولا بەلبەۋدى پاۆلودارلىق بالۋان مۇحتار دالەلحان ۇلى قانجىعاسىنا بايلادى.
داستان كەنجالين،
استانا
View this post on Instagram
