«Qazaqstan barysy-2023» týrnıriniń jeńimpazy anyqtaldy (VIDEO)

Astanadaǵy «Barys Arena» sport kesheninde ótken «Qazaqstan barysy-2023» respýblıkalyq týrnırinde balýan Ǵalymjan Qyryqbaı jeńimpazy atandy.

Ol fınalda «Mańǵystaý barysy» Nurdáýlet Jarylǵapovty utty. Osylaısha Jambyl oblysynyń balýany, «Ásker barysy» Ǵalymjan Qyryqbaı «Qazaqstan barysy» atandy.

Fınalda balýandar bir-birin ańdysyp, negizgi ýaqyt teń aıaqtalǵan edi. Biraq beldesýdiń sońynda Ǵalymjan Qyryqbaıdyń baǵy basym boldy.

Bıylǵy balýandar básekesinde 41 úmitker baq synady.

Ǵalymjan Qyryqbaı buǵan deıin «Qazaqstan barysy» týrnıriniń kúmis te, qola da júldegeri bolǵan. Bıylǵy básekede ol altyn taıtuıaq pen 25 mln teńgeni ıelendi. Al «Qara býra» Nurdáýlet Jarylǵapov ekinshi ret jarystyń kúmis júldegeri atandy. Qola belbeýdi pavlodarlyq balýan Muhtar Dálelhanuly qanjyǵasyna baılady.

Dastan KENJALIN,

ASTANA

 

View this post on Instagram

 

A post shared by Qazaqstan Barysy | Qazaq kúresi (@qazaqstan_barysy)