SportPress.kz قازاقستان سپورت جاڭالىقتارى
بەلگىلى قالامگەر، قازاقستان رەسپۋبليكاسىنا ەڭبەك سىڭىرگەن قايراتكەر، سپورت ءجۋرناليسى، سپورت قايراتكەرى نەسىپ ءجۇنىسباي ۇلى الماتىداعى ورتالىق ستاديوننىڭ جاقىندا ماڭگىلىك مەكەنىنە اتتانعان قازاقستان فۋتبولىنىڭ اڭىزى سەيىلدا بايشاقوۆتىڭ اتىمەن اتالۋى كەرەك دەگەن ۇسىنىس ايتتى.
كسرو قۇراما كومانداسىندا ويناعان تۇڭعىش قازاق فۋتبولشىسى بۇل قۇرمەتكە ابدەن لايىق!
بۇگىن ارداقتى سەيىلدا بايشاقوۆتى ماڭگىلىك مەكەنىنە قوندىردىق. بىزگە ەندى كسرو قۇراما كومانداسىنا الىنعان تۇڭعىش قازاق فۋتبولشىسى قازاق فۋتبول ونەرىن الەمدىك دەڭگەيدە ناسيحاتتاي العان سەيىلدا قايتا ورالمايدى. بىراق ونىڭ وشپەس اتى قالدى، اياقدوپتاعى اڭىز بوپ ايتىلار شەبەرلىگى قالدى. قازاقستان فۋتبولىن وركەندەتۋ جولىندا توككەن ولشەۋسىز تەرى قالدى. عاجاپ فۋتبولشى، كەرەمەتتەي ازامات، تالاسسىز قايراتكەر، ارادان قىل وتپەگەن دوسىم سەيىلدامەن قوشتاسۋ جيىنىندا مەن ايتقان ءسوزدىڭ توبىقتاي ءتۇيىنى مىناۋ ەدى:
«سەيىلدا بايشاقوۆ بۇكىل سپورتتىق عۇمىرىن وتكىزگەن الماتىداعى ورتالىق ستاديونعا سەيىلدا بايشاقوۆ ەسىمىن بەرۋ كەرەك!»
مەن بۇل قىسقا بولسا دا شىن جۇرەكتەن شىققان ۇسىنىسىمدى ۇكىمەتكە، مادەنيەت جانە سپورت مينيسترىنە، الماتى قالاسىنىڭ اكىمىنە، فۋتبول فەدەراتسياسىنىڭ پرەزيدەنتىنە جولدايمىن!
نەسىپ جۇنىسباي ۇلى،
سپورت ءجۋرناليسى، جازۋشى، سپورت قايراتكەرى
استانا
ەسكە سالا كەتسەك، قازاق فۋتبولىنىڭ اڭىزى سەيىلدا بايشاقوۆ 12 شىلدەدە ومىردەن ءوتتى. ول قازاق فۋتبولىنىڭ دامۋىنا ولشەۋسىز ەڭبەك سىڭىرگەن بولاتىن.
سەيىلدا يكرام ۇلى قازاق ەلىنىڭ تاريحىندا اتتارى التىن ارىپپەن جازىلعان قايراتكەرلەردىڭ ءبىرى بولدى. نەسىپ ءجۇنىسباي ۇلى اتاپ كورسەتكەندەي، قازاق فۋتبولشىلارىنىڭ اراسىندا تۇڭعىش رەت كسرو قۇراما كومانداسىندا ويناعان. ونىڭ مەملەكەت تاراپىنان كوپ ماراپات الاتىن رەتى دە ءجونى دە بار ەدى. بىراق ءومىرىن تەڭبىل دوپ ونەرىنە ارناعان ازامات قاراپايىم تىرشىلىك كەشىپ، 2020 جىلى پرەزيدەنتتىڭ جارلىعىمەن «پاراسات» وردەنىمەن، «قازاقستان رەسپۋبليكاسىنا – 25 جىل» مەرەيتويلىق مەدالىمەن ماراپاتتالعان.
