SportPress.kz Qazaqstan sport jańalyqtary
Belgili qalamger, Qazaqstan Respýblıkasyna eńbek sińirgen qaıratker, sport jýrnalısi, sport qaıratkeri Nesip Júnisbaıuly Almatydaǵy Ortalyq stadıonnyń jaqynda máńgilik mekenine attanǵan Qazaqstan fýtbolynyń ańyzy Seıilda Baıshaqovtyń atymen atalýy kerek degen usynys aıtty.
KSRO qurama komandasynda oınaǵan tuńǵysh qazaq fýtbolshysy bul qurmetke ábden laıyq!
Búgin ardaqty Seıilda Baıshaqovty máńgilik mekenine qondyrdyq. Bizge endi KSRO qurama komandasyna alynǵan tuńǵysh qazaq fýtbolshysy qazaq fýtbol ónerin álemdik deńgeıde nasıhattaı alǵan Seıilda qaıta oralmaıdy. Biraq onyń óshpes aty qaldy, aıaqdoptaǵy ańyz bop aıtylar sheberligi qaldy. Qazaqstan fýtbolyn órkendetý jolynda tókken ólsheýsiz teri qaldy. Ǵajap fýtbolshy, keremetteı azamat, talassyz qaıratker, aradan qyl ótpegen dosym Seıildamen qoshtasý jıynynda men aıtqan sózdiń tobyqtaı túıini mynaý edi:
«SEIILDA BAIShAQOV BÚKIL SPORTTYQ ǴUMYRYN О́TKIZGEN ALMATYDAǴY ORTALYQ STADIONǴA SEIILDA BAIShAQOV ESIMIN BERÝ KEREK!»
Men bul qysqa bolsa da shyn júrekten shyqqan usynysymdy Úkimetke, Mádenıet jáne sport mınıstrine, Almaty qalasynyń ákimine, Fýtbol federaııasynyń prezıdentine joldaımyn!
Nesip JÚNISBAIULY,
sport jýrnalısi, jazýshy, sport qaıratkeri
ASTANA
Eske sala ketsek, qazaq fýtbolynyń ańyzy Seıilda Baıshaqov 12 shildede ómirden ótti. Ol qazaq fýtbolynyń damýyna ólsheýsiz eńbek sińirgen bolatyn.
Seıilda Ikramuly qazaq eliniń tarıhynda attary altyn árippen jazylǵan qaıratkerlerdiń biri boldy. Nesip Júnisbaıuly atap kórsetkendeı, qazaq fýtbolshylarynyń arasynda tuńǵysh ret KSRO qurama komandasynda oınaǵan. Onyń memleket tarapynan kóp marapat alatyn reti de jóni de bar edi. Biraq ómirin teńbil dop ónerine arnaǵan azamat qarapaıym tirshilik keship, 2020 jyly prezıdenttiń jarlyǵymen «Parasat» ordenimen, «Qazaqstan Respýblıkasyna – 25 jyl» mereıtoılyq medalimen marapattalǵan.
