كۇرەس

قازاقستان كۇرەس فەدەراتسياسىنىڭ پرەزيدەنتى ەركىن وقاسوۆ بالۋانداردىڭ الەم چەمپيوناتىنداعى كۇرەسىنە كوڭىلى تولمايتىنىن ايتىپ، بارشا جانكۇيەردەن كەشىرىم سۇرادى، دەپ حابارلايدى SportPress.kz.  ول بالۋانداردان بۇدان دا جاقسى كورسەتكىش كۇتكەنىن، الداعى ۋاقىتتا ناتيجەنى جاقسارتۋ فەدەراتسيا جۇمىسىنىڭ باستى مىندەتى بولاتىنىن اتاپ ءوتتى. «بالۋانداردىڭ الەم چەمپيوناتىنداعى ناتيجەسىنە كوڭىلىم تولمايدى. ءبىز بۇدان جاقسى كورسەتكىش كۇتكەن ەدىك. ال چەمپيوناتتى ۇيىمداستىرۋ تۇرعىسىنان استانا وزىنە جۇكتەلگەن مىندەتتى ابىرويمەن اتقاردى. ...

بىرىككەن كۇرەس الەمىنىڭ (UWW) پرەزيدەنتى نەناد لالوۆيچ استانادا كۇرەس تۇرلەرىنەن وتكەن الەم چەمپيوناتىنىڭ ۇيىمداستىرىلۋىنا جاقسى باعا بەردى، دەپ حابارلايدى SportPress.kz. بيىلعى الەمدىك دودا 1 قاراشادا مارەسىنە جەتتى. وسى كۇنى استاناداعى «بارىس ارەنا» سپورت كەشەنىندە الەم چەمپيوناتى سالتاناتتى جاعدايدا اياقتالىپ، جەر-ءجۇزىنىڭ 135 ەلىنەن كەلگەن 900-دەن استام بالۋان ءوز ەلدەرىنە قايتتى. استاناداعى دۇرمەكتى دودا توعىز كۇنگە سوزىلدى. وسى ۋاقىتتا بالۋاندار 30 سالماق ...

نۇرقوجا قايپانوۆ كۇرەستەن استانادا وتكەن الەم چەمپيوناتىنىڭ فينالىندا بەلدەسىپ، كۇمىس جۇلدەگەر اتانعانى بەلگىلى. ول فينالداعى كۇرەسى تۋرالى ءوز ويىن ايتتى. «بەلدەسۋ مەن ءۇشىن وتە قيىن بولدى. نەگىزى كۇرەسكە تولىق دايىن بولدىم. الايدا وزىمە شامادان تىس جاۋاپكەرشىلىك العان سياقتىمىن. اسىرەسە كوماندالاستارىمنىڭ جەڭىلىسىنەن كەيىن اۋىرتپالىق تۇسكەندەي بولدى. ەندى قازاق حالقىن قۋانتقىم كەلدى. بىراق فينالدا رەسەي بالۋانى باسىم ءتۇستى. بوزكىلەمگە شىققان ساتتە قاتتى ...

ەركىن كۇرەستەن قازاقستان قۇراماسىنىڭ وكىلى نۇرقوجا قايپانوۆ استانادا ءوتىپ جاتقان الەم چەمپيوناتىندا كۇمىس مەدالعا يە بولدى. ول 74 كەلىگە دەيىنگى سالماقتىڭ فينالىندا ونەر كورسەتتى. وتانداسىمىز فينالدا رەسەي وكىلى ينالبەك شەريەۆپەن كۇرەستى. ناتيجەسىندە قايپانوۆ قارسىلاسىنا جول بەرىپ، الەم چەمپيوناتىن كۇمىس مەدالمەن اياقتادى. قايپانوۆ فينالعا دەيىن ءتورت بەلدەسۋدە جەڭىسكە جەتتى. ول كوسوۆو وكىلى ەگزون حونيدەن، ازەربايجان بالۋانى تۋران بايراموۆتان، تاجىكستان وكىلى ۆيكتور ...

استانادا كۇرەستەن الەم چەمپيوناتى جالعاسىپ جاتىر. ەركىن كۇرەس بالۋاندارى العاشقى بەلدەسۋلەرىندە جەڭىسكە جەتتى. داستانبەك ءوسىمجان 65 كەلىگە دەيىنگى سالماق دارەجەسىندە ۋكراينالىق اندرەي دجەلەپتى 8/1 فينالدا 3:1 ەسەبىمەن جەڭىسكە جەتىپ، كەلەسى اينالىمعا شىقتى. ەدىگە قاسىمبەك 125 كەلىگە دەيىنگى سالماقتا گرۋزيا وكىلى الەكساندر ءابراميشۆيليدى ۋاقىتىنان بۇرىن 10:0 ەسەبىمەن جەڭىپ، 8/1 فينالعا جولداما الدى. بۇل اينالىمدا ول تۇركيا بالۋانى حاكان بۋيۋچينگيلمەن كۇرەسىپ، 11:1 ...

استانا قالاسىندا كۇرەس تۇرلەرىنەن ءوتىپ جاتقان الەم چەمپيوناتىندا قازاقستان قورجىنىنا قولا جۇلدە ءتۇستى. قازاقستان كومانداسىنىڭ سپورتشىسى، جازعى ازيا ويىندارى مەن يسلام ىنتىماقتاستىعى ويىندارىنىڭ قولا جۇلدەگەرى زەينەپ بايانوۆا كىشى فينالدا ەۋروپا چەمپيوناتىنىڭ قولا جۇلدەگەرى، بەلارۋس وكىلى ناتاليا ۆاراكينامەن كۇش سىناستى. بۇل سىندا وتانداسىمىز قارسىلاسىن ايقىن باسىمدىقپەن جەڭىپ، 50 كگ دەيىنگى سالماقتا قولا جۇلدەگە يە بولدى. كەشە بايانوۆا جارىستى 8/1 اينالىمنان باستاپ، ...

استانا قالاسىندا كۇرەس تۇرلەرىنەن ءوتىپ جاتقان الەم چەمپيوناتىندا ەكىنشى جارىس كۇنىنىڭ جارتىلاي فينال بەلدەسۋلەرى باستالدى. ءجاميلا باقبەرگەنوۆا (-72 كگ) قىتاي وكىلى زەلۋ ليمەن فينالعا بەرىلەر جولدامانى ساراپقا سالدى. بۇل سىندا وتانداسىمىز قارسىلاسىنان 4:2 ەسەبىمەن جەڭىلدى. ەندى ەرتەڭ ۇلتتىق قۇراما سپورتشىسى قولا مەدال ءۇشىن باق سىنايدى. ونىڭ قارسىلاسى جۇبانىش كەزەڭىنەن سوڭ بەلگىلى بولادى. بۇگىن ىرىكتەۋدە ءجاميلا باقبەرگەنوۆا مولدوۆا وكىلى ەميليا كرەچۋندى، ...

استانادا كۇرەس تۇرلەرىنەن ءوتىپ جاتقان الەم چەمپيوناتىنىڭ كەزەكتى جارىس كۇنى ايەلدەر كۇرەسىمەن جالعاستى. ۇلتتىق قۇراما كوشباسشىسى، الەم چەمپيوناتىنىڭ ءتورت دۇركىن جۇلدەگەرى ءجاميلا باقبەرگەنوۆا (-72 كگ) شيرەك فينالدا ۋكراينا وكىلى، U23 الەم چەمپيوناتىنىڭ قولا جۇلدەگەرى، ەۋروپا چەمپيونى ناديا سوكولوۆسكامەن بەلدەسىپ، 9:1 ەسەبىمەن جەڭىسكە جەتتى. ەندى بىرنەشە ساعاتتان سوڭ باقبەرگەنوۆا جارتىلاي فينالدا قىتاي وكىلى زەلۋ ليمەن كۇش سىناسادى. جارتىلاي فينال ساعات 16:30-دا ...

استانادا كۇرەستەن ءوتىپ جاتقان الەم چەمپيوناتىندا زەينەپ بايانوۆا مەن نيلۋفار رايموۆا قولا مەدال ءۇشىن كۇرەسەدى. زەينەپ بايانوۆا جارتىلاي فينالدا 50 كەلىگە دەيىنگى سالماقتا ءۇندىستان وكىلى نيلاممەن كۇرەسىپ، 7:3 ەسەبىمەن جەڭىلىپ قالدى. نيلۋفار رايموۆا دا فينالعا شىعا المادى. ول 57 كەلىگە دەيىنگى سالماقتا جاپونيا وكىلى سەنا ناگاموتودان 11:0 ەسەبىمەن ەسە جىبەردى. ەندى وتانداستارىمىز قولا جۇلدە ءۇشىن كۇرەسەدى. بۇگىن بەلدەسۋلەر بولادى. كەشە يسحار ...

استانادا كۇرەس تۇرلەرىنەن ءوتىپ جاتقان كۇرەستەن الەم چەمپيوناتىندا گرەك-ريم كۇرەسىنەن بەلدەسۋلەر اياقتالدى. قازاقستان قۇراماسى ءۇش قولا مەدال جەڭىپ الدى. 24 قازاندا باستالعان الەم چەمپيوناتىندا ەلىمىزدىڭ اتىنان ون سالماق دارەجەسىندە ون بالۋان سىنعا ءتۇستى. العاشقى ەكى مەدالدى يسحار كۋرباەۆ پەن ايدوس سۇلتانعالي يەلەنسە، باعدات ساباز ءۇشىنشى قولا جۇلدەنى ەل قورجىنىنا سالدى. قازاقستان كۇرەس فەدەراتسياسىنىڭ حابارلاۋىنشا، 55 كەلىدە بەلدەسكەن يسحار كۋرباەۆ جارىستى ...