Elimiz birinshi búkilálemdik etnosport oıyndaryn ótkizýge úmitti 

31 mamyr kúni Astanadaǵy Qazaqstan Respýblıkasynyń Ulttyq mýzeıinde IýNESKO-nyń Dástúrli sporttar men oıyndar komıtetiniń tóraǵasy Halıl Ahmed Han, komıtettiń úılestirýshisi Marsellın Dellı jáne komıtettiń hatshysy  Shammı Rananyń qatysýymen baspasóz máslıhaty ótedi. 

Jıynǵa, sondaı-aq, Mádenıet jáne sport mınıstri Arystanbek Muhamedıuly, Ulttyq sport túrleri qaýymdastyǵynyń qurmetti prezıdenti Qaırat Satybaldyuly jáne Ulttyq sport túrleri qaýymdastyǵynyń prezıdenti, Parlament Májilisiniń depýtaty Bekbolat Tileýhan qatysady.

Kezdesýde IýNESKO, Mádenıet jáne sport mınıstrligi men Ulttyq sport túrleri qaýymdastyǵy arasyndaǵy ózara túsinistik jónindegi memorandýmǵa qol qoıý josparlanyp otyr.

Mártebeli meımandardyń Qazaqstanǵa arnaıy at basyn burýynyń basty sebebi – 1-2 maýsym  kúnderi Astanadaǵy «Qazanat» atshabarynda ótetin Teńge ilýden II Azııa chempıonaty men Aýdaryspaqtan III Azııa chempıonatyn tamashalaý.

IýNESKO uıymy 2021 jyly búkilálemdik birinshi etnosport oıyndaryn ótkizýdi josparlap otyr. Osy álemdik básekeni ótkizýge úmitker tórt memlekettiń qatarynda Qazaqstan Respýblıkasy da bar.

Sonymen qatar, IýNESKO ókilderi «Etnosportty damytý jáne nasıhattaý» taqyrybynda semınar keńes uıymdastyrady.

Baspasóz máslıhat saǵat 15.00-de bastalady.

BAQ ókilderine akkredıtaııadan ótýi mindetti, aty-jóni ári ózderimen birge ákeletin tehnıkalardyń (kamera, fotoapparat, telefon) tizimin, markasyn kórsetip, mınıstrlik baspasóz qyzmetiniń mki_gov@mail.ru elektrondy meken-jaıyna joldaý qajet!

Barlyq suraqtar boıynsha: +7 (7172) 74-09-24, + 7 707 278 6728 telefon nomerlerine habarlasýǵa bolady.

Mádenıet jáne sport mınıstrliginiń baspasóz qyzmeti