Erjet Jarylqasyn álem chempıonatynyń fınalyna shyqty

Erjet Jarlyqasyn Albanııa astanasynda ótip jatqan kúresten álem chempıonatynyń aqtyq synyna shyqty, dep habarlady Týrızm jáne sport mınıstrligi Sportty damytý dırekııasynyń baspasóz qyzmeti.

Sanaýly sətter buryn bozkilem sheberimiz 63 kg deıingi salmaqtyń jartylaı fınalynda Sadyq Lalaevty (Beıtarap sportshy) taza jyqty.

Beldesý bapkerim ekeýmiz oılastyrǵandaı ótti. Bastysy qarsylasymdy tórttaǵanǵa jatqyzyp, ádis jasaý bolǵan. Oǵan deıin jetkizbeı, tez jeńiske jete aldym. Endi qalǵany bir qarsylas. Erteń fınalda jınaqy kúresip, elge altyn medalmen oralýǵa barymdy salamyn, — dedi Erjet Sportty damytý dırekııasynyń baspasóz qyzmetine bergen suhbatynda.

Bıyl Bishkekte osy salmaqta Azııa chempıony atanǵan Erjet búgin túnde fınalda Nıhad Zahıd Mamadlımen kúresedi.

Aıta keteıik, Jarlyqasyn osyǵan deıin irikteýde Polsha jáne Franııa ókiliniń jaýyrynyn jerge tıgizgen.

Sondaı-aq keshe baq synaǵan Ishar Qurbaev (55 kg), shırek fınalda súrinse, Meıirjan Shermahambet (72 kg) irikteýde, Evgenıı Polıvadov (82 kg) 1/8 aınalymda qarsylasyna ese jiberdi. О́kinishke qaraı, eshqaısy jubanysh kezeńinde kúrese almaıdy.