كونفەرەنتسيا ليگاسى: «اقتوبە» ءوز الاڭىندا «سپارتادان» ايلاسىن اسىردى

«اقتوبە» فۋتبول كلۋبى UEFA كونفەرەنتسيا ليگاسى ەكىنشى ىرىكتەۋ كەزەڭىندە چەحيانىڭ «سپارتا» كومانداسىمەن ويناپ، 2:1 ەسەبىمەن جەڭىسكە جەتتى.

ءسويتىپ، الاڭ يەلەرى قوبىلاندى باتىر ستاديونىندا 11 جىلدان بەرى العاش رەت جەڭىستى تويلادى.

بۇعان دەيىن «اقتوبە» ەۋروكۋبوك اياسىندا سوڭعى رەت 2014 جىلدىڭ 23 شىلدەسىندە جەڭىسكە («دينامو» (گرۋزيا) جەتكەن بولاتىن. ال بۇگىنگى ويىننىڭ 29-مينۋتىندا «اقتوبە» ساپىنان دەنيەل سوسا مەرگەندىگىمەن كوزگە ءتۇستى.

ەكىنشى تايمدا دا الاڭ يەلەرى ەكىنشى گولدى سالۋعا تىرىستى. سونىڭ ناتيجەسىندە ورالحان ومىرتاەۆ 83-مينۋتتا تابلوداعى ەسەپتى وزگەرتتى. ال 90-مينۋتتا «اقتوبە» قاقپاسىنا بەلگىلەنگەن پەنالتيدەن «سپارتا» فۋتبولشىسى ۆەلكو بيرمانچەۆيچ ءمۇلت كەتكەن جوق.

وسىلايشا «اقتوبە» قارسىلاسىنان 2:1 ەسەبىمەن باسىم ءتۇستى.

ەندى ەكىنشى ماتچ 31 شىلدەدە بولادى.

«اقتوبە» ەۋروكۋبوك ويىندارىن ەۋروپا ليگاسى ءبىرىنشى ىرىكتەۋ كەزەڭىنەن باستاپ، پولشانىڭ «لەگيا» كومانداسىنان (0:1، 0:1) ەسەبىمەن جەڭىلگەن ەدى.

بۇگىن «استانا» ءوز الاڭىندا مولدوۆانىڭ «زيمبرۋ» كومانداسىمەن 1:1 ەسەبىمەن تەڭ ءتۇستى.

بۇدان بۇرىن چەمپيوندار ليگاسى ەكىنشى ىرىكتەۋ كەزەڭىندە «قايرات» فينليانديانىڭ «كۋپس» كومانداسىنا ەسە جىبەردى.

داستان كەنجالين،

استانا